დღეს, 6 აგვისტოს, ავტოავარია მოხდა ბათუმი-ჩაქვის გვირაბთან. ერთმანეთს ორი მსუბუქი ავტომანქანა შეეჯახა.
ადგილზე იმყოფებოდა სასწრაფო სამედიცინო სამსახურის 5 ჯგუფი, საავადმყოფოში საშუალო სიმძიმის დაზიანებებით 3 დაშავებული გადაიყვანეს.
შს სამინისტროს ინფორმაციით, გამოძიება სისხლის სამართლის კოდექსის 276-ე მუხლით დაიწყო – ტრანსპორტის მოძრაობის უსაფრთხოების ან ექსპლუატაციის წესის დარღვევა.
