დღეს, 7 მაისს, ბათუმში, კლინიკა “მედალფადან” ორ პაციენტს გაწერენ, რომლებმაც კორონავირუსი დაამარცხეს. მთლიანობაში, აჭარაში 40 პაციენტია გამოჯანმრთელებული.
კლინიკაში კი მკურნალობას 15 ინფიცირებული აგრძელებს.
აჭარაში ბოლო 7 დღის განმავლობაში კორონავირუსის არც ერთი შემთხვევა არ დაფიქსირებულა.
Stopcov.ge-ზე განთავსებული ინფორმაციის თანახმად, 7 მაისის 18:00 საათის მონაცემებით საქართველოში კორონავირუსის სულ 615 შემთხვევაა დაფიქსირებული. მათგან გამოჯანმრთელდა 275. კარანტინის რეჟიმში 4 948 პირი რჩება, სტაციონარში მეთვალყურეობის ქვეშ კი – 491.
