კორონავირუსისგან ბათუმში კიდევ ორი პაციენტი გამოჯანმრთელდა. მათ განმეორებითი ლაბორატორიული კვლევის შედეგად ვირუსი აღარ აქვთ.
“მოვამზადებთ და ცოტახანში გავწერთ,”- უთხრა “ბათუმელებს” კლინიკა “მედალფას” აჭარა-გურიის რეგიონალურმა დირექტორმა ლევან ანთაძემ.
3 მაისის მონაცემებით, აჭარაში სულ 33 პირია ვირუსისგან განკურნებული. კლინიკა “მედალფაში” რჩება 22 პაციენტი.
ბოლო 24 საათში აჭარიდან 372 პირს ჩაუტარდა კვლევა კორონავირუსზე. ყველა პირის პასუხი უარყოფითია. გამოკვლეულებს კორონავირუსი არ დაუდასტურდათ.
—
საქართველოში კორონავირუსით ინფიცირებულთა რიცხვი 7-ით გაიზარდა და 589-ს მიაღწია. 3 მაისის დილის მონაცემებით, ქვეყანაში კორონავირუსისგან კიდევ 8 ადამიანი გამოჯანმრთელდა და ჯამში 215 შეადგინა.
საქართველოში გარდაცვალების 8 შემთხვევაა დაფიქსირებული. Stop Cov.ge-ის ინფორმაციით, ამ დროისთვის კარანტინის რეჟიმში 5 066 ადამიანი იმყოფება, სტაციონარში მეთვალყურეობის ქვეშ კი 528 პირია.
