კორონავირუსის საპრევენციო ღონისძიებების ფარგლებში, საქართველოს მთავრობასთან შექმნილი უწყებათაშორისი საკოორდინაციო საბჭო 70 წელს ზემოთ ასაკის მოქალაქეებს რეკომენდაციას აძლევს.
“სამედიცინო პერსონალის ჩართვით, მიღებულია გადაწყვეტილება – 70 წელს ზემოთ მყოფი საქართველოს მოქალაქეებისათვის გაიცეს რეკომენდაცია. ისინი მაქსიმალურად უნდა მოერიდონ ყველა სახის თავყრილობას და მაქსიმალურად შეეცადონ საკუთარი თავის იზოლაციას, რათა თავიდან იქნეს არიდებული ნებისმიერი საფრთხე მათი ჯანმრთელობისათვის,” – ეს განცხადება დღეს, 16 მარტს გაკეთდა საქართველოს მთავრობის ადმინისტრაციაში.
ქვეყანაში, 16 მარტის მდგომარეობით, კორონავირუსით ინფიცირების 33 შემთხვევაა დაფიქსირებული. კარანტინის რეჟიმში 637 იმყოფება, სტაციონარში მეთვალყურეობის ქვეშ კი 54 ადამიანია.
