ევროპული მედიის ცნობით, გაერთიანებული სამეფოს დედოფალი, ელისაბედი, 13 იანვარს, ორშაბათს პირადად შეხვდება თავის შვილიშვილს, პრინც ჰარის, რათა განიხილოს პრინცისა და მისი მეუღლის – სასექსის ჰერცოგინიას ახალი როლი, ასევე სამეფო ოჯახთან მათი მომავალი ურთიერთობის საკითხი.
მედია, რომელიც პრინც ჰარისა და მისი მეუღლის განცხადების შემდეგ, ბოლო ერთი კვირაა, აქტიურად აკვირდება გაერთიანებული სამეფო ოჯახის ცხოვრებას, იუწყება, რომ ამ შეხვედრას ასევე დაესწრებიან ჰარის მისი უფროსი ძმა – უილიამი და მათი მამა, უელსის პრინცი ჩარლზი.
კრიზის შემდეგ ეს იქნება ოჯახის პირველი შეხვედრა.
მეგანის შეეძლება მონაწილეობა მიიღოს ტელეფონის მეშვეობით, თუ დროის სხვაობა ამის საშუალებას მისცემს – მეგანი ამ დროისთვის თავის შვილთან ერთად კანადაში იმყოფება.
რამდენიმე დღის წინ პრინცმა ჰარიმ და მეგანიმ განაცხადეს, რომ აპირებენ უარი თქვან სამეფო ოჯახის წევრობაზე, შესაბამის პასუხისმგებლობაზე და იმუშავონ, რათა ფინანსურად გახდნენ დამოუკიდებლები.
9 იანვარს წყვილმა ეს განცხადება ტვიტერზე, დედოფალსა და სამეფო ოჯახთან შეთანხმების გარეშე გაავრცელა.
განცხადებაში ისინი წერენ, რომ გეგმავენ დრო თანაბრად გაატარონ დიდ ბრიტანეთსა და ჩრდილოეთ ამერიკაში და გააგრძელებენ “დედოფლისა და ინგლისის სახელმწიფოს პატივისცემას”.
იმავე განცხადებაში ჰარი და მეგანი წერენ, რომ აპირებენ თავიანთი ვაჟი გაზარდონ „სამეფო ტრადიციებით… და ამავდროულად ჩვენს ოჯახს მივცეთ სათანადო სივრცე, რათა შევძლოთ კონცენტრაცია ჩვენი ცხოვრების ახალ ეტაპზე, რომელშიც ქველმოქმედება მნიშვნელოვან ადგილს დაიკავებს“.
ჰარის და მეგანის ეს განცხადება, დიდი ბრიტანეთისა და მსოფლიო მედიის განხილვის ერთ-ერთი მთავარი თემაა.
მთავარი ფოტო: 2018 წელი. დედოფალი ელისაბედი, მეგანი მარკლი და პრინცი ჰარი.
წყარო: Spiegel
