დღეს, 23 დეკემბერს, ქობულეთი-ოზურგეთის გზაზე ავტოავარიის შედეგად ოთხი ადამიანი დაიღუპა – ინფორმაცია „ბათუმელებს“ სასწრაფო სამედიცინო სამსახურში დაუდასტურეს.
ქობულეთის სასწრაფო სამედიცინო დახმარების ცენტრის ინფორმაციით, გარდაცვლილებს შორის ერთი ათ წლამდე ბავშვია. სასწრაფომ ავარიის შედეგად დაშავებული კიდევ ერთი პირი კლინიკაში გადაიყვანა.
შს სამინისტროს ინფორმაციით, ერთმანეთს ტრაილერი და მსუბუქი ავტომანქანა შეეჯახა. გამოძიება დაწყებულია სისხლის სამართლის კოდექსის 276-ე მუხლის მერვე ნაწილით – ტრანსპორტის მოძრაობის უსაფრთხოების ან ექსპლუატაციის წესის დარღვევა, რამაც ორი ან მეტი ადამიანის სიცოცხლის მოსპობა გამოიწვია.
_________
ფოტოზე: ავარია ქობულეთი-ოზურგეთის გზაზე. ფოტო: თვითმხილველი
ამბის გაგრძელება
კლინიკაში იმყოფებიან 3 წლამდე ბავშვი და ტრაილერის მძღოლი – ავარია ქობულეთის გზაზე
