„და ჩვენ ვიცეკვეთ“ - ლევან აკინის ფილმს ბათუმის „აპოლოში“ აჩვენებენ - Batumelebi • და ჩვენ ვიცეკვეთ, კინო, კინოთეატრი „აპოლო“, • batumelebi.ge

ქართულ-შვედურ ფილმს „და ჩვენ ვიცეკვეთ“ ბათუმში, კინოთეატრ „აპოლოშიც“ აჩვენებენ. ფილმის პრემიერა საქართველოში 8 ნოემბერს შედგება და სამი დღე – 8, 9 და 10 ნოემბერს იქნება ნაჩვენები.

როგორც „აპოლოში“ გვითხრეს, ბილეთების გაყიდვა დღეს, 30 ოქტომბერს ღამით ან ხვალ, 31 ოქტომბერს, დილით დაიწყება.

„და ჩვენ ვიცეკვეთ“ არის შვედეთში მცხოვრები რეჟისორის, ლევან აკინის ქართულ/შვედური წარმოების ქვიარ თემატიკაზე შექმნილი დრამა, რომლის პრემიერაც წელს კანის კინოფესტივალზე გაიმართა, „რეჟისორის ორკვირეულის“ სექციაში.

ცნობილმა ქართველმა ქორეოგრაფმა საბოტაჟი მოუწყო ფილმს – ლევან აკინი

წელს შვედეთმა ფილმი „ოსკარზეც“ გაგზავნა, ნომინაციაში – „საუკეთესო უცხოური ფილმი“. ამ დრომდე ფილმს 6 სხვადასხვა საერთაშორისო ჯილდო აქვს მოპოვებული.

___________

ფოტო: imdb.com