აჭარის მთავრობის თავმჯდომარემ, თორნიკე რიჟვაძემ, დღეს, 31 მაისს, მთავრობის სხდომაზე განაცხადა, რომ აჭარის მთავრობა ახალგაზრდული მიმართულებით ბიუჯეტს ექვსჯერ გაზრდის და ბევრ საერთაშორისო პროექტს დაიწყებს.
დღესვე მთავრობის თავმჯდომარემ აღნიშნა, რომ აჭარაში ახალგაზრდობის რეგიონული ცენტრი იქმნება, რომლის მიზანი ახალგაზრდებისთვის ახალი პროექტების განხორციელებაში ხელშეწყობაა.
ახალგაზრდული პროექტების კურატორი ალექსანდრე დავითაძე იქნება, რომელიც ამჟამად აჭარის განათლების მინისტრის მოვალეობას ასრულებს.
ალექსანდრე დავითაძის ინფორმაციით, ახალგაზრდული ცენტრის ბიუჯეტი 1 700 000 ლარი იქნება. კონკურსი უკვე გამოცხადებულია ხელმძღვანელისა და მოადგილის თანამდებობებზე. ცენტრში 25 პირი დასაქმდება.
![ვის [არ] შეხვდა ზურაბ პატარაძე აჭარაში „ოცნების“ მთავრობის თავმჯდომარედ დაბრუნების შემდეგ](https://batumelebi.netgazeti.ge/wp-content/uploads/2026/06/pataradze-kaveri.jpg)
