2019 წლის 18 მაისს გაიმართა ცნობილი ქართველი პედაგოგის, ჰუმანური პედაგოგიკის ერთ-ერთი ფუძემდებლის – შალვა ამონაშვილის საჯარო ლექცია პრაქტიკული გაკვეთილების ჩვენებით. ლექციას ესწრებოდნენ სკოლა „ნიკეს“ პედაგოგები: ნინო ლაზიშვილი, თინა ჭეიშვილი, ინგა ნაკაშიძე, ირმა ნაკაშიძე, ნათია თურმანიძე და მარიამ კაკაბაძე.
აღსანიშნავია, რომ სკოლა „ნიკეს“ თანამშრომლობა აზროვნების აკადემიასთან დაიწყო მიმდინარე წლის თებერვალში, როცა სკოლის ადმინისტრაციის მოწვევით, ბათუმში იმყოფებოდა ფსიქოლოგიის მეცნიერებათა დოქტორი, ჰუმანური პედაგოგიკის საერთაშიროსო ცენტრის პრეზიდენტი – პაატა ამონაშვილი, რომელმაც საინტერესო შეხვედრა გამართა პედაგოგებთან და მშობლებთან.
სკოლა „ნიკეს“ პედაგოგები
ამჯერად, თბილისში მიწვეულ სკოლა „ნიკეს“ პედაგოგებს მიეცათ საშუალება, მოესმინათ და პრაქტიკულად გაეთავისებინათ ჰუმანური პედაგოგიკის არსი.
„ყოველი ბავშვი არის მოვლენა, რომელსაც ამქვეყნად საკუთარი მისია აქვს,“ – განაცხადა შალვა ამონაშვილმა ლექციაზე.
შთაბეჭდილებებით აღსავსე მასწავლებლებმა მიღებული გამოცდილება კოლეგებს გაუზიარეს და სამომავლო საქმიანობაში დახმარება აღუთქვეს.
ვიმედოვნებთ, რომ სექტემბერში ბატონი შალვა ამონაშვილი ეწვევა სკოლა „ნიკეს“ და ბათუმის ფართო პედაგოგიური საზოგადოებისთვის ჩაატარებს მსგავს ლექცია-პრაქტიკულ გაკვეთილებს.
სკოლა „ნიკეს“ პედაგოგები
