ბათუმში, გმირთა ხეივანში, ამ წუთებში აქციას მართავს „უკვდავი პოლკი“. გასული წლისგან განსხვავებით, აქციის მონაწილეებს არც საბჭოთა სიმბოლიკა აქვთ გამოფენილი და არც გეორგიევსკის ლენტები.
„უკვდავი პოლკის“ წარმომადგენლებს აქციაზე ძირითადად გამოფენილი აქვთ მეორე მსოფლიო ომის დროს გარდაცვლილთა ფოტოსურათები. ფოტოებზე აქვთ წარწერა – „საქართველოს უკვდავი პოლკი“.
აქციის ერთ-ერთმა მონაწილემ „ბათუმელებს“ უთხრა, რომ საქართველოს მომავალი ევროპაშია და რომ „უკვდავი პოლკის“ წარმომადგენლები ახლა ევროპაშიც აწყობენ მარშს.
აქციაზე მობილიზებულია პოლიცია. პოლიციის კორდონის მეორე მხარეს დგანან „უკვდავი პოლკის“ აქციის მოწინააღმდეგეები. პოლიციის კორდონი ამ ჯგუფებს ერთმანეთთან მიახლოების შესაძლებლობას არ აძლევს. მათ შორის სიტყვიერი დაპირისპირება უკვე იყო.
„უკვდავ პოლკს“ პრორუსული ორგანიზაციები ხელმძღვანელობენ.
აქციაზე იყო სიტყვიერი დაპირისპირებაც, ამიტომ „უკვდავ პოლკსა“ და მათ მოწინააღმდეგეებს შორის პოლიციის კორდონია
„უკვდავი პოლკის“ მსვლელობის მონაწილეები ბათუმში
