გარემოს ეროვნული სააგენტოს აჭარის რეგიონალური ჰიდრომეტეოროლოგიური ობსერვატორიის ინფორმაციით, 21, 22 და 23 იანვარს ბათუმსა და აჭარის სხვა მუნიციპალიტეტებში უმეტესად მოსალოდნელია უნალექო ამინდი.
უნალექო ამინდი შენარჩუნდება ბათუმსა და რეგიონის მაღალმთიანეთში დღეს, 20 იანვარს.
20 იანვრის 21 საათიდან 21 იანვრის 21 საათამდე კი აჭარის ზღვისპირა ზოლსა და მთიან რაიონებში მოსალოდნელია ცვალებადი მოღრუბლულობა, უმეტესად უნალექოდ. ცვალებადი მიმართულების ქარი 10-15მ/წმ-ში;
ჰაერის ტემპერატურა: სანაპირო რაიონებში ღამით 0-5, დღისით 7-12 გრადუსი სითბო, მთიან რაიონებში კი, ღამით 5-10 გრადუსი ყინვა, დღისით 2 გრადუსი ყინვა, 3 გრადუსი სითბო.
რაც შეეხება ზღვის პროგნოზს – იქროლებს სამხრეთ-დასავლეთის ქარი 6-11მ/წმ-ში, უმეტესად უნალექოდ, ხილვადობა კარგი. ტალღის სიმაღლე 5-10დმ. [2-3 ბალი], ზღვის წყლის ტემპერატურა 8.2 გრადუსი.
