შს სამინისტროს საინფორმაციო-ანალიტიკური დეპარტამენტის ცნობით, 2018 წლის სექტემბერში სხვადასხვა უცხო ქვეყნიდან საქართველოს 280 მოქალაქის დეპორტაცია მოხდა.
სტატისტიკის თანახმად, ყველაზე მეტი, სულ 126 მოქალაქის დეპორტაცია მოხდა თურქეთიდან, ისრაელიდან დეპორტირებული იქნა საქართველოს 40 მოქალაქე, გერმანიიდან კი – 31.
ასევე, სექტემბერში, საქართველოს 12 მოქალაქე იქნა დეპორტირებული საფრანგეთიდან, 11 – რუსეთიდან და ცხრა – შვედეთიდან.
როგორც გასული, აგვისტოს თვის მონაცემებით ირკვევა, საქართველოს მოქალაქეთა დეპორტაცია ყველაზე ხშირად თურქეთიდან და ისრაელიდან ხდება, თუმცა აგვისტოში მესამე ადგილზე იყო ავსტრია, საიდანაც საქართველოს 40 მოქალაქის დეპორტაცია მოხდა. სექტემბერში კი ავსტრიიდან საქართველოს მხოლოდ სამი მოქალაქის დეპორტაციას ჰქონდა ადგილი.
საინფორმაციო-ანალიტიკური დეპარტამენტის ცნობით, 2018 წლის სექტემბერში საქართველოს არც ერთი მოქალაქის დეპორტაციას არ ჰქონია ადგილი აშშ-ში, აგვისტოში კი ამ ქვეყნიდან საქართველოს მხოლოდ 1 მოქალაქის დეპორტაცია მოხდა.
წაიკითხეთ ამ თემაზე:
