28 სექტემბერს, ღამით, ბათუმში 55 წლის ქალს ყელის არეში მიაყენეს ჭრილობა.
მოკლე ხანში პოლიციამ დანაშაულში ბრალდებული, დაჭრილის შვილი, 22 წლის ახალგაზრდა კაცი დააკავა.
შს სამინისტროს ცნობით, გამოძიებამ დაადგინა, რომ დაკავებულმა, წერეთლის ქუჩაზე, საცხოვრებელ სახლში ცივი იარაღით ჭრილობები მიაყენა დედას და შემთხვევის ადგილიდან მიიმალა. სამართალდამცველებმა ბრალდებული მომხდარიდან რამდენიმე წუთში დააკავეს.
პოლიციამ დანაშაულის ჩადენის იარაღი ნივთმტკიცებად ამოიღო.
სასწრაფო სამედიცინო სამსახურმა ქალი რეფერალურ საავადმყოფოში გადაიყვანა.
შს სამინისტროს ინფორმაციით, გამოძიება სისხლის სამართლის კოდექსის 117-ე პრიმა მუხლით მიმდინარეობს – ოჯახური ძალადობის ნიადაგზე ჩადენილი ჯანმრთელობის განზრახ მძიმე დაზიანება, ითვალისწინებს თავისუფლების აღკვეთას ოთხიდან შვიდ წლამდე.
