შუახევში ხანძარია

შუახევის მუნიციპალიტეტში, შუბნის თემში, სოფელ წელათიდან სამი კილომეტრით დაშორებულ ტყეში ხანძარი გაჩნდა.

შუახევის გამგებლის, ტარიელ ებრალიძის ინფორმაციით, ხანძარი ტყის მასივში, დაახლოებით 100 კვადრატზე, სამ ადგილზეა გავრცელებული.

„ხანძრის შესახებ მოქალაქემ გვაცნობა, გამოვიძახეთ სახანძრო-სამაშველო სამსახურები, ავტომობილები გზაშია, შეტყობინება გავუგზავნეთ მოსახლეობას, ისინიც გაემზადონ, რომ დროულად მოხდეს ხანძრის ლოკალიზება, მოსახლეობას ამ დროისთვის საფრთხე არ ემუქრება“ – აცხადებს გამგებელი.

მთიან აჭარაში ეს უკვე მეორე ხანძარია, რომელიც უკანასკნელ დღეებში გაჩნდა. უკვე სამი დღეა მეხანძრეები და მაშველები ხანძარს ებრძვიან ხულოში, შავნაბადას მთაზე, ტყეში. 

მთავარ ფოტოზე: ხანძარი შავნაბადას მთაზე. 

ნეტგაზეთის მასალების სხვა გამოცემებში გადაბეჭდვის წესი
ავტორი