ადგილობრივი წარმოების პრობლემებსა და გამოწვევებზე ხელისუფლების წარმომადგენლები ფერმერების მოსაზრებებს მოისმენენ. შეხვედრა მრგვალი მაგიდის ფორმატით გაიმართება ხვალ, 12 ივლისს, შუახევის მუნიციპალიტეტის გამგეობის შენობაში.
შეხვედრა პროექტის -„ასოცირების ხელშეკრულების განხორციელების ხელშეწყობის“ ფარგლებში ეწყობა. ორგანიზატორი საქართველოს ეკონომიკისა და მდგრადი განვითარების სამინისტროა. შეხვედრას დაესწრებიან: ვიქტორ დოლიძე – ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი, სოფლის მეურნეობის მინისტრის პირველი მოადგილე – ნოდარ კერესელიძე, სავაჭრო-სამრეწველო პალატის გენერალური დირექტორის მოადგილე – ნატო ჩიქოვანი, ასოცირების შეთანხმების განხორციელების მხარდამჭერი პროექტის ხელმძღვანელი – იოლანტა ტაჩინსკა.
შეხვედრის მონაწილეები ისაუბრებენ ღრმა და ყოვლისმომცველი თავისუფალი სავაჭრო სივრცის ხელშეკრულების ფარგლებში განხორციელებულ და დაგეგმილ რეფორმებზე, საგრანტო პროექტებზე, სანიტარულ და ფოტოსანიტარულ მოთხოვნებზე, გათვალისწინებული ვალდებულებების იმპლემენტაციის თემაზე.
შეხვედრა დღის 2 საათზე დაიწყება.