17142446_1284646611631042_1144624233_o

ქედის გამგეობამ მრავალშვილიანი დედები დაასაჩუქრა

ქედის კულტურის ცენტრში დედისა და ქალთა საერთაშორისო დღისადმი მიძღვნილი ღონისძიება გაიმართა. ღონისძიების დასასრულს ქედაში მცხოვრებ 64 მრავალშვილიან დედასა და 9 ღვაწლმოსილ ქალს საჩუქრები გადასცეს.

დედისა და ქალთა საერთაშორისო დღესთან დაკავშირებით, მრავალშვილიანი დედებისა და ღვაწლმოსილი ქალებისთვის საჩუქრად 73 შეკვრა ფაიფურის სახილე [შეკვრაში სამი ცალი], ტენდერში გამარჯვებულმა კომპანიამ „ზენდიდი 2015“ – მა შეიძინა.

საჩუქრებისთვის მუნიციპალიტეტის ბიუჯეტიდან 2 103 ლარი და 86 თეთრი დაიხარჯა.

ციალა გურგენიძე, 77 წლის: „3 შვილი, 4 შვილთაშვილი და ერთი შვილთაშვილის შვილი მყავს, 54 წელია სკოლაში პედაგოგად ვმუშაობ, მოსწავლეებს მათემატიკას ვასწავლი. რთულია, ადვილი არ არის იყო დედა, მეუღლე და წარმატებული პედაგოგი,  მაგრამ როცა ოჯახი და საზოგადოება შენ გვერდითაა, ყველა დაბრკოლებას გადალახავ, ყველა ქალბატონს ვულოცავ დედისა და ქალთა საერთაშორისო დღეს“.

17142504_1284647248297645_1413690226_o

ღონისძიებაში, რომელც 7 მარტს გაიმართა, ქედის კულტურის ცენტრთან არსებული ფოლკლორული ანსამბლები მონაწილეობდნენ. ღონისძიებას სოფლებიდან მოწვეული მრავალშვილიანი დედები და ღვაწლმოსილი ქალბატონები ესწრებოდნენ.

ნეტგაზეთის მასალების სხვა გამოცემებში გადაბეჭდვის წესი
ავტორი