სარფში 20 კგ ყაყაჩოს თესლი ამოიღეს

შემოსავლების სამსახურის ინფორმაციით, საბაჟო გამშვებ პუნქტ „სარფში“ ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე, თურქეთის მოქალაქის, ა.ს-ს, კუთვნილი სატვირთო ავტომანქანის დათვალიერების შედეგად, 20 კგ. ყაყაჩოს თესლი აღმოაჩინეს.

„სსიპ ლევან სამხარაულის სახელობის სასამართლო ექსპერტიზის დასკვნის თანახმად, ყაყაჩოს თესლი [„arifiglu Mavi hashas blue poppy seeds 01/062020 P.NO:012 NET.80G“] ნარკოტიკულ საშუალებებს მორფინსა და კოდეინს შეიცავს.

საქმეთა მასალები, შემდგომი რეაგირების მიზნით, შინაგან საქმეთა სამინისტროს გადაეცა.“ – აღნიშნულია შემოსავლების სამსახურის მიერ გავრცელებულ განცხადებაში.

ყაყაჩოს თესლი სარფში მიმდინარე წლის 16 ივლისს ამოიღეს.

ნეტგაზეთის მასალების სხვა გამოცემებში გადაბეჭდვის წესი


ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com