შსს: ავარიაში მონაწილე მძღოლი არ მიმალულა – შემთხვევას ბუკნარში ორი ადამიანი ემსხვერპლა

წუხელ ღამით, თბილისი-ბათუმის ავტომაგისტრალის ბუკნარის მონაკვეთზე ავტოსაგზაო შემთხვევის დროს ერთმანეთს ორი ავტომობილი შეეჯახა, რის შედეგადაც ერთ-ერთ ავტომობილში მყოფი ცოლ-ქმარი დაიღუპა. თვითმხილველის თქმით, მეორე ავტომობილის მძღოლი სავარაუდოდ მიიმალა, რაც შინაგან საქმეთა სამინისტროში არ დაგვიდასტურეს.

„მძღოლი შემთხვევის ადგილიდან არ მიმალულა, შესაბამისად, დადგენილია მისი ვინაობაც, თუმცა ის დაკავებული არ არის. ველოდებით ექსპერტიზის პასუხებს, გასატარებელია შესაბამისი პროცედურები,“ – გვითხრეს შსს-ს პრესსამსახურში.

უწყება განმარტავს, რომ ავტოსაგზაო შემთხვევაში ბრალეული პირის გამოკვეთა და მისთვის ბრალის წარდგენა, კანონით, მხოლოდ ექსპერტიზის დასრულების შემდეგაა შესაძლებელი.

შს სამინისტროს ინფორმაციით, მიმდინარეობს გამოძიება სს კოდექსის 279-ე მუხლით – ტრანსპორტის უსაფრთხოების დარღვევა, რამაც გამოიწვია ერთი ან მეტი ადამიანის სიცოცხლის მოსპობა.

ამ თემაზე:

ავარია ბუკნარში – დაღუპულია ერთი ქალი და კაცი

ნეტგაზეთის მასალების სხვა გამოცემებში გადაბეჭდვის წესი


ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com