ბათუმის „დინამომ” მარტვილის „მერანი” 1:0 დაამარცხა [ფოტო]

დღეს, პირველ მაისს, ბათუმში, დინამოს სპორტულ ბაზაზე ბათუმის „დინამო” მარტვილის „მერანს” დაუპირისპირდა და გაიმარჯვა კიდეც. ერთადერთი გოლი 70-ე წუთზე „დინამოს“ ფორვარდმა, ამირან აბუსერიძემ გაიტანა.

საფეხბურთო მატჩი ანგისის ახალი სპორტული ბაზის მოედანზე გაიმართა, სადაც შეხვედრის დაწყებამდე სპორტული ბაზის გახსნის საზეიმო ცერემონია გაიმართა.

გახსნის ცერემონიალზე „ნიკოლშოუმ“ ბათუმისადმი მიძღვნილი ორი ჰიმნი შეასრულა. მატჩის დაწყებამდე ბათუმის „დინამოს“ გულშემატკივრები საყვირებით და დაფდაფებით ამხნევებდნენ გუნდს.

ბათუმის „დინამო“ ეროვნულ ლიგა 2-ში ასპარეზობს.

ბათუმის „დინამოს“ გია გეგუჩაძე წვრთნის.

სპორტული ბაზა ბათუმის „დინამოს“ საკუთრებაში გადავა და განაგებს როგორც ბაზის პირველ სართულზე განლაგებული კომერციული ფართობის დანიშნულებას, ასევე სასპორტო სივრცეს. გუნდს სპორტული ბაზა 12 წელი არ ჰქონდა.

ანგისის სპორტული ბაზის მშენებლობა შპს „ენერგოსექტორმშენმა“ დაიწყო და შპს „მონოლითი-2005“-მა დაასრულა.

 

ნეტგაზეთის მასალების სხვა გამოცემებში გადაბეჭდვის წესი


ავტორი
თამუნა ნერგაძე არის "ბათუმელების" რეპორტიორი 2017 წლის ოქტომბრიდან