ამინდის პროგნოზი: ღამით მოსალოდნელია ძლიერი ქარი

გარემოს ეროვნული სააგენტოს აჭარის რეგიონალური ჰიდრომეტეოროლოგიური ობსერვატორიის ინფორმაციით, ხვალ, 3 აპრილს, ბათუმში ცვალებადი მოღრუბლულობაა მოსალოდნელი, დღეს ღამით კი ზოგან მოსალოდნელია ქარის გაძლიერება.

„მოსალოდნელია ცვალებადი მოღრუბლულობა, ღამით – წვიმა, იქროლებს დასავლეთის ქარი 10-15 მეტრი წამში. ღამით, დროგამოშვებით, ქარის სიმძლავრე 20-25 მეტრს მიაღწევს წამში. ღამით ზღვაზე ოთხბალიანი ღელვაა მოსალოდნელი, დღისით, 3 აპრილს კი – 2-3-ბალიანი ღელვა,“ – უთხრეს „ბათუმელებს“ აჭარის ჰიდრომეტეოროლოგიურ ობსერვატორიაში.

ტემპერატურა სანაპირო რაიონებში იქნება:

  • დღისით: 15-20 გრადუსი 
  • ღამით: 5-10 გრადუსი 

მთაში ტემპერატურა იქნება:

  • ღამით: 0-5 გრადუსი
  • დღისით: 12-17 გრადუსი 

ზღვის წყლის ტემპერატურა ამ დროისათვის 11 გრადუსია.

სინოპტიკოსების ცნობით, მომდევნო ორ დღეს, 4-5 აპრილს, მოსალოდნელია უნალექო ამინდი.

ნეტგაზეთის მასალების სხვა გამოცემებში გადაბეჭდვის წესი


ავტორი
გაზეთი "ბათუმელები" გამოდის 2001 წლიდან.