ბათუმში, გოგოლის ქუჩაზე, ავტოსაგზაო შემთხვევის შედეგად მძღოლი გარდაიცვალა. იგი 52 წლის კაცია.
სასწრაფო სამედიცინო დახმარების სამსახურის ინფორმაციით, ავტომანქანა ჯერ ელექტროგადამცემ ბოძს, შემდეგ კი ხეს შეეჯახა. სასწრაფო დახმარების ბრიგადას მძღოლი უკვე გარდაცვლილი დახვდა, იგი ბათუმის რეფერალურ საავადმყოფოში გადაიყვანეს.
შინაგან საქმეთა სამინისტროს ინფორმაციით, ავტოსაგზაო შემთხვევაში ორი ავტომანქანა მონაწილეობდა. დაწყებულია გამოძიება სისხლის სამართლის კოდექსის სსკ-ის 276 მუხლის მე-5 ნაწილის შესაბამისად.
