Batumelebi | სასჯელი განაჩენის შეუსრულებლობისთვის სასჯელი განაჩენის შეუსრულებლობისთვის – Batumelebi
RU | GE  

სასჯელი განაჩენის შეუსრულებლობისთვის

 

მოქალაქე ზ.ს-ს  განაჩენის საფუძველზე აკრძალული ჰქონდა მანქანის ტარება, ის კი პატრულმა მაშინ შეაჩერა, როცა ავტომანქანას მართავდა. იმის გამო, რომ მოქალაქემ ძალაში შესული განაჩენი არ შეასრულა, მას სისხლის სამართლებრივი პასუხისმგებლობა დაეკისრა. პროკურორი ბრალდებულისთვის  მკაცრი სასჯლის გამოყენებას ითხოვა, ადვოკატმა კი იმ არგუმენტთ, რომ ბრალდბულის ქმედებას ზიანი არ გამოუწვევია, არის „შეჭირვებული ოჯახიდან, არ მუშაობს“ ნაკლება მძიმე სასჯელის გამოყენება სთხოვა მოსამართლეს. 

 

ბათუმის საქალაქო სასამართლო
ბათუმის საქალაქო სასამართლო

მოქალაქე ზ.ს. აქმდე ნარკოტიკთან დაკავშირებული ერთ-ერთი მუხლით არის გასამართლებული. ის პირობით სასჯელით იყო გათავისუფლებული. შესაბამისად,   ავტომანქანის  მართვის უფლება ჩამორთმეული ჰქონდა.

 

მოსამართლე დავით მამისეიშვილმა  ბრალდებულს ჯარიმა 1500 ლარს ოდენობით და პატიმრობა 6 თვის ვადით მიუსაჯა. მოსამართლემ ეს გადაწყვეტილება განმარტა კიდეც. მისი თქმით, ბრალდებულისთვის ცნობილი იყო, რომ სასამართლო მას სავარაუდოდ დააკავებდა, მაგრამ, ამის მიუხედავად მაინც გამოცხადდა პროცესზე და თავი არ აარიდა გამოძიებასთან თანამშრომლობას, მოსალოდნელ სასჯელს. „ეს ჩემთვის  დიდი შემამსუბუქებელი გარემოებაა“, – თქვა მოსამართლე დავით მამისეიშვილმა სასამართლო პროცესის დასრულებისას.

 

ბრალდებული სასამართლო დარბაზშვე დააპატიმრეს. 

ნეტგაზეთის მასალების სხვა გამოცემებში გადაბეჭდვის წესი
ბათუმელები