კვირის ამბები

„ადამიანები არ უნდა გარიყონ“

29.09.2014 • 1317
„ადამიანები არ უნდა გარიყონ“


შორენა, როგორ აფასებთ თბილისში მომხდარ ფაქტს? ყოფილა თუ არა მსგავსი შემთხვევა ბათუმში?

 

 მსგავსი ფაქტი ბათუმში არ დაფიქსირებულა, ან ჩემამდე არ მოსულა. ძალიან დიდი პრობლემაა მენტალობის თვალსაზრისით. თბილისში მომხდარი ფაქტის შესახებ რომ მოვისმინე, მართლა აღვშფოთდი. ისევ განათლებაზე უნდა ვიზრუნოთ ალბათ. ვინმე უნდა დაინტერესდეს ამ პრობლემით. საზოგადოებამდე უნდა მივიდეს ინფორმაცია, რომ ადამიანები არ უნდა გარიყონ და ეს საკითხი უკვე აღარ უნდა იდგეს დღის წესრიგში.


თქვენი აზრით, ვინ უნდა გააკეთოს ეს?

 

 ყველაფერს მხოლოდ სსმ პირებზე მომუშავე არასამთავრობო ორგანიზაციები ვერ გაწვდებიან, სხვა ორგანიზაციებიც უნდა დაინტერესდნენ. უხეშად რომ ვთქვათ, ეს მათთვის პიარიც იქნება. მე ვფიქრობ სხვადასხვა ორგანიზაციების მხრიდან საგანმანათლებო მუშაობა არის უმნიშვნელოვანესი, იმავე ტერმინოლოგიასთან დაკავშირებით. არის სხვა საკითხები. შედარება რომ გამოვიყენო, ზღვის ნაპირთანაც არ ვართ ჯერ მისული.


ზღვასთან დაკავშირებით მინდა გკთხოთ, ზღვის სანაპიროზე ჩასასვლელი პანდუსის საჭიროებაზე წავიკითხე, ბათუმში ასეთი პანდუსი არ გვაქვს?
 ერთადერთი რაც ვიცი, ჯეოსელის აქცია იყო ბულვარის ტერიტორიაზე, სადაც შექმნეს ადაპტირებული გარემო იმისთვის, რომ ყველას შეეძლოს ჩავიდეს ზღვაზე, ფილმს უყუროს ან წიგნი წაიკითხოს.

 

როგორც ვიცი, თქვენ პროფესიით ფსიქოლოგი ხართ და ამ კუთხით მუშაობდით არასამთავრობო ორგანიზაციაში, თბილისში მომხდარი ამბის ანალოგით თქვენთვის ვინმეს მოუმართავს?

 

პირადად ჩემთვის არ მოუმართავთ, მაგრამ შეკრებების დროს ყველა საუბრობდა იმაზე, რომ საზოგადოების მხრიდან არის ცუდი დამოკიდებულება. მათ ყველა სხვანაირი თვალით უყურებს. ეტლით მოსარგებლეს დაუფიქრებლად აწვდიან ფულს, მიუხედავად იმისა, ითხოვს თუ არა ის დახმარებას.


ერთი შემთხვევა მახსენდება, როცა თომა კაკაბაძე, სსმ პირს, არ გაუჩერა საზოგადოებრივი ტრანსპორტის მძღოლმა ავტობუსი…

 

 დიახ, ეს გახმაურებული ამბავია და თომასგანაც ვიცი. მძღოლი კი ამტკიცებდა, სამუშაო დასრულებული მქონდაო.

 

 თქვენ თქვით, რომ მხოლოდ ორგანიზაციები ვერ გაწვდება პრობლემის მოგვარებას, თქვენ მიანიშნეთ სახელმწიფოს როლზე ამ კუთხით?

 

 საჭიროა აბსოლუტურად ყველას ჩართვა, სახელმწიფო იქნება ეს თუ კომერციული ორგანიზაციები. ინტერესი მათგან უნდა წამოვიდეს. თითო ნაბიჯი ყველამ უნდა გააკეთოს და ყველაფერი ერთობლივი ძალებით მოგვარდება.


თქვენ ხომ არ აპირებთ რაიმე პროექტის მომზადებას, რასაც შესთავაზებთ მერიას ან მთავრობას?

 

 ჯერჯერობით გეგმებზე საუბარი არ მინდა. მე არ ვუყურებ საკითხებს მხოლოდ ჩემი გადასახედიდან, ვააანალიზებ საჭიროებებს და ვფიქრობ, რა როგორ შეიძლება გავაკეთო.

 

მერის მრჩევლის რანგში მოქალაქეებმა უკვე მოგმართეს?

 

დიახ, დღეს უკვე იყო მომართვები ჩემს სახელზე. უკვე ჩემგან ისეთ რაღაცებს ითხოვენ, მგონია, რომ მათ უკვე სასწაულმოქმედი ვგონივარ.

გადაბეჭდვის წესი


ასევე: