სასამართლომ უკვე მისმინა ბრალდებულების საბოლოო სიტყვა, დასკვნით სასამართლო პროცესს ჯანმრთელობის მდგომარეობის გამო ვერ ესწრებოდა იუსუფ ლაკიევი;
თემურ ბახუნტარაძე, ბალდებული: „ბატონმა პროკურორმა ახსენა რამდენიმე გარემოება, რაზეც მინდა რეპლიკის სახით ვუპასუხო. მან თქვა, რომ მე დავემუქრე, მე ამის შესახებ ადრეც გავაკეთე განმარტება, მინდა ახლაც ვთქვა: არავის დავმუქრებივარ, უბრალოდ, მე ვუთხარი მას: გეშინოდეს ღმერთის, მაგრამ ეს ალბათ თქვენც კარგად გახსოვთ, რომ წინადადების დასრულებამდე მე მოსამართლემ დამაჯარიმა 100 ლარით.
შემდეგ პროცესზე ბატონ პროკურორს და თქვენ ბატონო მოსამართლევ, მოგიხადეთ ბოდიში, აგიხსენით, რამ განაპირობა ჩემი აღელვება. მე გარდამეცვალა მამა იმ პერიოდში და მაშინ გავიგე ამის შესახებ…
რაც შეეხება ჩემს ბოლო სიტყვას, მინდა ვთქვა, რომ გული მტკივა იმისათვის, რომ ის პიროვნებები, ვინც მოწმის სახით სასამართლომ დაკითხა ჩემს საქმეზე, 90 % ასაკით ისეთი ადამიანები იყვნენ, ალბათ, მე როდესაც საქართველოს მიწა-წყალს ვიცავდი და საქართველოს სიყვარულისათვის ჩემს პირად სიცოცხლეს სასწორზე ვდებდი, ისინი ალბათ საბავშვო ბაღში დადიოდნენ, ან სკოლაში კლასობანას თამაშობდნენ…
გული მტკივა ცრუ ჩვენებებს რომ იძლეოდნენ. 9 თვეა მე ჩემს პატარა შვილებს მოვწყდი… როგორ იზრდებიან ვერ ვხედავ… მე ამას განვიცდი, მაგრამ ღმერთის დახმარებით შევძელი და მოვითმინე ეს ყველაფერი და მოვიდა ის დრო, რომ მე უნდა ვთქვა ბოლო სიტყვა სასამართლოში.
პროკურორი ადასტურებს, რომ მე ვარ დამნაშავე, სინამდვილე კი ისაა, რომ ვერანაირ მითითებას მე სპეცსამსახურებიდან ვერ მივიღებდი და ვერც იმ შეთავაზებას დავთანხმდებოდი, რაც მთხოვეს… მათი თქმით, თუ ვითანამშრომლებდი სპეცსამსახურებთან არანაირი პრობლემა არ მექნებოდა, არც ჩემს ბიზნესს, არც ჩემს ოჯახის წევრებს, არც მე არანაირი საფრთხე არ მემუქრებოდა…
ჩემი დაკავების შემდეგ ჩემი მაღაზიაც დაილუქა, შევიდა საფინანსო… გადამიკეტეს ყველანაირი შემოსავლის წყარო და დღეს ჩემი ცოლ-შვილი რას ჭამს ისიც არ ვიცი….
სპეცსამსახური მემუქრებოდა და როგორ მივიღებდი კანონდამრღვევ ადამიანს სტუმრად, ასე მარტო ჩემს პიროვნებას კი არა, ჩემს ოჯახს შევუქმნიდი საფრთხეს. მე ვიცოდი, რომ 24 საათის განმავლობაში ჩემი ტელეფონი ისმინებოდა…
რომ მცოდნოდა, პატარა ეჭვიც რომ მქონოდ, რომ ლაკიევს უკანონობა ჰქონდა, რომ უკანონოდ ატარებდა მაკაროვის იარაღს არ მივიღებდი, მასაც არ შევუქმნიდი საფრთხეს…
მე არც იარაღს შევინახავდი სახლში… მე რომ მქონდა ჩაფიქრებული წინააღმდეგობის გაწევა პოლიციელებისთვის ამას გავაკეთებდი, მაგრამ მე მაშინაც განვაცხადე, რომ იქმ ადგილს გავერიდე, რადგან იქ იყო უმისამართო სროლები და ბევრი დაბნეული და შეშინებული პოლიციელი… საით ისროდნენ წარმოდგენა მათაც არ ჰქონდათ…
უნდა მოგიხადოთ ბოდიში ყველას, ჩემი შვილია სასამართლო დარბაზში, ჩემი მეუღლეა აქ, მინდა გთხოვოთ არ იფიქროთ არასდროს შურისძიებაზე… როგორი განაჩენიც არ უნდა გამომიტანონ, ყველას მადლობას გიხდით და ბოდიში თუ გაწყენინეთ. “
თემურ ბახუნტარიძე და ფირუზ წულუკიძე, ასევე რუსეთის მოქალაქე იუსუფ ლაკაევი, 2013 წლის 13 სექტემბერს გვიან ღამით დააკავეს. დადგენილია, ლაკაევი საქართველოს საზღვარზე არალეგალურად გადმოვიდა. ჩეჩენი წარმოშობის ლაკაევის გადაცემა უკვე ითხოვა რუსეთის სახელმწიფომ. რუსული მედიის ცნობით, ლაკაევმა 9 სექტემბერს სოხუმში რუსი დიპლომატი, დმიტრი ვიშერნიოვი მოკლა.
