Batumelebi | პირველი პარაოლიმპიური ფესტივალი ბათუმში პირველი პარაოლიმპიური ფესტივალი ბათუმში – Batumelebi
RU | GE  

პირველი პარაოლიმპიური ფესტივალი ბათუმში

 

19 აგვისტოს, ბათუმმა პირველ პარაოლიმპიურ ფესტივალს უმასპინძლა. ფესტივალი სამ სპორტულ სახეობაში: მშვილდოსნიბაში, წოლჭიდსა და ფარიკაობაში გაიმართა და მასში 25 სპორტსმენი მონაწილეობდა.

 

 ანგისის სპორტკომპლექსზე პარაოლიმპიელ მშვილდოსანთა შორის 70 მეტრიან დისტანციაზე პირველი ადგილი 458 ქულით გოდერძი ზაქარაიამ დაიკავა. მეორე ადგილზე 391 ქულით ზვიად დუმბაძე გავიდა, ხოლო მესამე ადგილი 368 ქულით ვანო წიკლაურმა დაიჭირა. 30 მეტრიან დისტანციაზე 553 ქულა ტურნირის ყველაზე ახალგაზრდა მონაწილე ნიკა ჩილაძემ დააგროვა. პარაოლიმპიური ფესტივალი წოლჭიდსა და ფარიკაობაში ბონის კულტურის სახლში გაგრძელდა. წოლჭიდში გოგონებსა და ვაჟებს შორის საუკეთესო შედეგი მამაკაცებს შორის დავით ქობალიამ აჩვენა, მან 130 კილოგრამიანი სიმძიმე ასწია. გოგონებს შორის საუკეთესო შედეგის მქონე 42 ნახევარი კილოგრამით დეა ერემაშვილი იყო, ასევე გამოვლინდნენ გამარჯვებულები ფარიკაობაშიც, რომლის შემდეგაც დაჯილდოვების საზეიმო ცერემონია გაიმართა.

 

 

 

 

 

 

 

 

 

 

 

 

 

 

 ტურნირი საქართველოს ეროვნული პარაოლიმპიური კომიტეტის ინიციატივით და აჭარის მშვილდოსნობის ფედერაციის მხარდაჭერით ჩატარდა.

 

ნეტგაზეთის მასალების სხვა გამოცემებში გადაბეჭდვის წესი
" ბათუმელები"