ჩოხატაურის საკრებულოს ყოფილი თავმჯდომარეს, დავით შარაშიძეს ოზურგეთის სასამართლომ გირაო 30 ათასი ლარი შეუფარდა. პროკურატურა დავით შარაშიძის დაპატიმრებას ითხოვდა.
დავით შარაშიძე საპატიმრო დაწესებულებას გირაოს გადახდის შემდეგ დატოვებს.
საუბარია 2026 წლის 27 იანვარს ოზურგეთის ერთ-ერთ რესტორანში მომხდარ შემთხვევაზე: გამოძიების ვერსიით, ჩოხატაურის საკრებულოს თავმჯდომარემ, დავით შარაშიძემ ორ პირთან ერთად ჯგუფურად ფიზიკურად იძალადა პოლიციელზე, რომელიც იმ დროისთვის არ ასრულებდა სამსახურებრივ მოვალეობას.
დავით შარაშიძეს ბრალი წარუდგინეს სსკ-ის 126-ე მუხლის პირველი პრიმა ნაწილის ბ ქვეპუნქტით – ძალადობა ჩადენილი ჯგუფურად. ეს მუხლი სასჯელის სახედ და ზომად 2 წლამდე თავისუფლების აღკვეთას ითვალისწინებს.
![ბათუმში მეზღვაურთა საერთაშორისო დღე აღინიშნება, რისთვისაც ნახევარი მილიონი ლარი დაიხარჯება [ფოტო]](https://batumelebi.netgazeti.ge/wp-content/uploads/2026/06/11.png "ბათუმში მეზღვაურთა საერთაშორისო დღე აღინიშნება, რისთვისაც ნახევარი მილიონი ლარი დაიხარჯება [ფოტო]")
