საავტომობილო გზების დეპარტამენტის ინფორმაციით, ინტენსიური თოვის გამო რამდენიმე მიმართულებით მოძრაობა შეზღუდულია. დეპარტამენტის განმარტებით, ზვავსაშიშროების, ძლიერი თოვის, ცუდი ხილვადობისა და ქარბუქის გამო ყველა სახის ავტოტრანსპორტის მოძრაობა დროებით შეზღუდულია ბათუმი-ახალციხის გზის კურორტი გოდერძი-უტყისუბნის მონაკვეთზეც.
„მხოლოდ მაღალი გამავლობის ავტოტრანსპორტის მოძრაობაა დასაშვები ვაზიანი-გომბორი-თელავის გზის ვერონა-თელავის მონაკვეთზე და ბათუმი-ახალციხის გზის კმ50-კმ103 მონაკვეთზე,“ – აღნიშნულია გზების დეპარტამენტის მიერ დღეს, 19 იანვარს გავრცელებულ ინფორმაციაში.
ყველა სახის ავტოტრანსპორტის მოძრაობა დროებით შეზღუდულია ასევე შემდეგ მიმართულებებზე:
- ნიჩბისი-დიდგორი-დიდი თონეთის გზაზე
- კორშა-შატილის მონაკვეთზე
- უშგული-ლასდილის მონაკვეთზე
მისაბმელიანი და ნახევრადმისაბმელიანი ავტოტრანსპორტის მოძრაობა შეზღუდულია:
- მცხეთა–სტეფანწმინდა–ლარსის გზის გუდაური(ფოსტა)–კობის მონაკვეთზე
- კოდა–ფარცხისი–მანგლისი–წალკა-ნინოწმინდის გზის კოდა-სოფ. ალგეთისა და აიაზმა-ნინოწმინდის მონაკვეთებზე
- ნაქერალას უღელტეხილზე
- საჩხერე-რაჭის გზაზე
- ფარცხისი-თეთრიწყაროს გზაზე
- მარნეული-თეთრიწყარო-წალკის გზაზე
- ქუთაისი-წყალტუბო-ცაგერი-ლენტეხი-ლასდილის გზის ოფიტარა-მელეს მონაკვეთზე
- ქუთაისი-ალპანა-მამისონის გზის ქორენიში-შოვის მონაკვეთზე
- ზუგდიდი-ჯვარი-მესტია-ლასდილის გზის ჯვარი-უშგულის მონაკვეთზე.