ბათუმის 63-ე უბანზე მარკირებიანი ადამიანები ისევ მიდიან. ყველა მათგანი ამბობს, რომ მანდარინი ჭამა და ამიტომ აჩვენებს აპარატი მარკირებას. ერთ-ერთი ბოლო ამომრჩეველი, რომელსაც უბანზე მარკირება დაუფიქსირდა იყო გოჩა მუხაშავრია – ყოფილი პოლიტპატიმარი.
იქედან გამომდინარე, რომ 63-ე უბანზე ამომრჩეველი მარკირების მიზეზად მანდარინს ასახელებს, „ბათუმელების“ დამკვირვებელმა უბანზე მიიტანა მანდარინი ექსპერიმენტის ჩასატარებლად. აღმოჩნდა, რომ მანდარინი არ ტოვებს ისეთ კვალს, რომ ჰგავდეს მარკირებას.
ბათუმის 63-ე უბანზე ამჟამად იმყოფებიან “ქართული ოცნების” მომავალი დეპუტატები უმაღლეს საბჭოში, დავით ბაციკაძე და ნინო ჩხეტია. მათ აინტერესებთ, რატომ არ მიაცემინეს ხმა გოჩა მუხაშავრიას და ასევე ის თუ რატომ დაფიქსირდა უბანზე ამდენი მარკირებიანი ამომრჩეველი.
