ბათუმის შოთა რუსთაველის სახელმწიფო უნივერსიტეტის პროფესორ-მასწავლებლები და ადმინისტრაციის თანამშრომლები განცხადებას ავრცელებენ და მოუწოდებენ უნივერსიტეტის ადმინისტრაციას, აკადემიურ და წარმომადგენლობით საბჭოებს, დააფიქსირონ პოზიცია მიმდინარე პროცესებთან დაკავშირებით.
„ბათუმის შოთა რუსთაველის სახელმწიფო უნივერსიტეტს თავის მისიაში დეკლარირებული აქვს სახელმწიფოებრივი ღირებულებებისა და დემოკრატიული პრინციპების დამკვიდრება, ევროპული უნივერსიტეტების დიდი ქარტიის ფუნდამენტური პრინციპების ერთგულება, ამიტომ ჩვენ, ბათუმის სახელმწიფო უნივერსიტეტის პროფესორ-მასწავლებლები და ადმინისტრაციის თანამშრომლები ვემიჯნებით საქართველოს ევროკავშირში წევრობის პროცესის შეჩერების შესახებ გაკეთებულ განცხადებას!
უპირობოდ და ერთმნიშვნელოვნად ვგმობთ მშვიდობიანი პროტესტის მონაწილეთა, ასევე, ჟურნალისტების მიმართ მიზანმიმართულ ძალადობას და ვუერთდებით საყოველთაო პროტესტს!
ვიყავით, ვართ და ვრჩებით კონსტიტუციის პრინციპების, ქართველი ხალხის არჩევანისა და საქართველოს ევროატლანტიკური კურსის ერთგულნი.
მოვუწოდებთ უნივერსიტეტის ადმინისტრაციას, აკადემიურ და წარმომადგენლობით საბჭოებს დააფიქსირონ თავისი პოზიცია მიმდინარე პროცესებთან დაკავშირებით!
საქართველოს მომავალი ევროპაშია!“ – ვკითხულობთ განცხადებაში.
განცხადებას ამ დროისთვის ხელს აწერენ:
1. ინგა შამილიშვილი;
2. ლელა თურმანიძე;
3. ლაშა ბაჟუნაიშვილი;
4. ლეილა ახვლედიანი;
5. ნელი ახვლედიანი;
6. ირაკლი ბარამიძე;
7. მარინა ქორიძე;
8. მაია ბარამიძე;
9. გვანცა საბაშვილი;
10. ლაშა ზარგინავა;
11. ელგუჯა წითლიძე;
12. თამარ ხაჟალია;
13. გულადი ფარტენაძე;
14. ნინო გორგილაძე;
15. ფირუზ ბოლქვაძე;
16. ნინო ფილია;
17. ნათია ხარატი;
18. ნატალია ჩაკვეტაძე;
19. ირაკლი გორგილაძე;
20. სოფიო ბერიძე;
21. მადონა მიქელაძე;
22. ია თურმანიძე;
23. კახაბერ ქაშიბაძე;
24. მაია მერკვილაძე
ხელმომწერთა სია განახლებადია.
ბსუ-ში ხვალ, 2 დეკემბერს, ბსუ-ს გაფიცული სტუდენტები და ლექტორები უნივერსიტეტის ეზოში აპირებენ შეკრებას.
ასევე, ბათუმის შოთა რუსთაველის უნივერსიტეტის სტუდენტები ითხოვენ აქციის დღეებში შეჩერდეს სწავლის პროცესი. პეტიციას, რომელიც manifest.ge-ზე გამოქვეყნდა, ამ დროისთვის 600-ზე მეტი სტუდენტი აწერს ხელს.
ბსუ არის პირველი უნივერსიტეტი საქართველოში, სადაც 2024 წლის 26 ოქტომბრის არჩევნების გაპროტესტება უშუალოდ უნივერსიტეტის შენობაში, უწყვეტი საპროტესტო აქციით დაიწყო. სტუდენტების ჯგუფმა 9 დღე და ღამე გაათენეს უნივერსიტეტის შენობაში და შემდეგ თბილისში შეუერთდნენ აქციას.
