2024 წელს საქართველოში 52 ადამიანის დაკარგვის შესახებ შევიდა ინფორმაცია პოლიციაში – ასეთია შს სამინისტროს 2024 წლის პირველი ექვსი თვის მონაცემები.
52 დაკარგული ადამიანიდან 27 იპოვეს, მათგან ექვსი გარდაცვლილი იყო.
ბოლო მონაცემებით საქართველოში 1020 ადამიანს ეძებენ, ესაა 51 წლის მონაცემები, 1973 წლიდან 2024 წლამდე.
სტატისტიკის თანახმად, ყველაზე მეტი ადამიანი მიიჩნევა დაკარგულად თბილისში, იმერეთში, ქვემო ქართლსა და სამეგრელო-ზემო სვანეთში.
