მთავარი,სიახლეები

8 წლის გიორგი გულის გადასანერგად ინდოეთში გადაიყვანეს – მას საზოგადოების დახმარება სჭირდება

21.07.2024 •
8 წლის გიორგი გულის გადასანერგად ინდოეთში გადაიყვანეს – მას საზოგადოების დახმარება სჭირდება

8 წლის ბათუმელ გიორგი დოლიძეს გულის გადანერგვა სჭირდება. ეს მისი გადარჩენის ერთადერთი გზაა, ოპერაციისთვის კი 225 000 დოლარია საჭირო.

გიორგი საქართველოში ჯო ენის ჰოსპიტალში მკურნალობდა დიაგნოზით: კარდიომიოპათია, გულის უკმარისობა, ღვიძლის უკმარისობა, სუნთქვის მწვავე უკმარისობა. ოჯახმა გიორგი 19 ივლისს სპეციალური თვითმფრინავით გადაიყვანა ინდოეთში, სადაც საჭირო თანხის შეგროვებისთანავე ჩაუტარდება გულის ტრანსპლანტაცია.

„ბათუმელები“ ესაუბრა 8 წლის გიორგი დას, ნინო დოლიძეს.

„უკვე მე-11 დღეა, რაც გიორგი ინტუბირებულია და მართვით სუნთქვაზეა.

ორი დღეა, რაც ინდოეთში ვართ. ღამით შედარებით მძიმე მდგომარეობაში იყო. დღეს უკვე დასტაბილურდა და ისევ სტაბილურად მძიმე გახდა. ახლა ცდილობენ ექიმები, რომ პაციენტის მდგომარეობა დაასტაბილურონ ისე, რომ რაღაცაზე ფიქრი შეიძლებოდეს. თან დაიწყო ტრანსპლანტაციისთვის საჭირო დოკუმენტების მომზადება. ამ ყველაფერს დრო სჭირდება და წინასწარ იჭერენ თადარიგს.

გვაქვს ინვოისი, სადაც საჭირო თანხად წერია 225 ათასი დოლარი. ეს არის ოპერაციის პირველი ერთი თვის ჰოსპიტალიზაციის თანხა. ამაში არ შედიოდა ის თანხა, რაც გადავიხადეთ თვითმფრინავში.

225 000 $-დან ჯამში 100 000 დოლარით დაგვაფინანსა აჭარისა და საქართველოს ჯანდაცვის სამინისტროებმა. ახლა ანგარიშზე 40 000$ გვაქვს მოგროვებული. პირველი თვისთვის გადასახადებისთვის დაახლოებით 85 000 ათასი დოლარის შეგროვებაა საჭირო.

აჭარის ჯანდაცვის და ცენტრალური ჯანდაცვის დაფინანსება ჯამში გამოვიდა 100 ათასი დოლარი. დანარჩენი, რა თანხაც იყო შეგროვებული, გადავიხადეთ თვითმფრინავში და ახლა ვცდილობთ თავიდან შევაგროვოთ. ჯერჯერობით გვაცდიან. [ოპერაციის] თანხა, რაც არის 225 ათასი დოლარი, პირველი თვის განმავლობაში უნდა დაიფაროს. თუ, ვთქვათ, პირველი თვის განმავლობაში ოპერაცია ვერ გაკეთდა და მოუწია იმავე მდგომარეობაში ჰოსპიტალიზაცია, ახალი ხარჯები იქნება“, -გვითხრა ნინო დოლიძემ

როგორც ნინო გვიყვება, გიორგის 6 თვის ასაკში დაუსვეს დიაგნოზი და მას შემდეგ, რვა წლის განმავლობაში იღებდა წამლებს, თუმცა საბოლოდ მისი მდგომარეობა კრიტიკულად დამძიმდა და გიორგის სიცოცხლე საფრთხეშია.

ოჯახი ახლა საზოგადოების დახმარების იმედადაა.

რვა წლის გიორგი დოლიძე

______________________________________

8 წლის გიორგის დახმარების მსურველებს თანხა შეგიძლიათ გადარიცხოთ გიორგის დის, ნინო დოლიძის ანგარიშებზე: 

საქართველოს ბანკი – GE18BG0000000601117731
თიბისი ბანკი – GE36TB7296745064300077

გადაბეჭდვის წესი


ასევე: