თურქეთში ჰაერის მაღალმა ტემპერატურა ტყის ხანძრების მიზეზი გახდა, განსაკუთრებით ეგეოსის, ხმელთაშუა ზღვისა და მარმარილოს ზღვის რეგიონებში – წერს თურქული გამოცემა „დეილი საბაჰი“.
თურქეთის სოფლის მეურნეობისა და სატყეო მეურნეობის სამინისტროს ინფორმაციით, ივნისში თურქეთში 430 ტყის ხანძრის გაჩნდა და 3733 ჰექტარი დაზიანდა, აქედან 21 ხანძარი სასოფლო-სამეურნეო მიწებზე გავრცელდა.
გამოცემის ცნობით, 29 ივნისს, თურქეთის მასშტაბით შვიდ პროვინციაში სხვადასხვა ზომის 11 მაღალი რისკის შემცველი ხანძარი დაფიქსირდა, რომელთაგან 6 კონტროლის ქვეშ მოექცა.
მედიის ცნობით, ერთ-ერთი ხანძარი სიგარეტის ნამწვის გამო გაჩნდა. კამერებმა დააფიქსირეს მომენტი, როდესაც პირმა სიგარეტის ნამწვი გადააგდო და გაიქცა, რასაც აალება მოჰყვა და ხანძარმა დაახლოებით 50 ჰექტარი ფართობი დააზიანა. ჟანდარმერიამ დაადგინა ეჭვმიტანილი, რომელიც ამჟამად პატიმრობაშია.
