Batumelebi | „გუმბათი ჯგუფი“ 24 წლისაა „გუმბათი ჯგუფი“ 24 წლისაა – Batumelebi
ნეტგაზეთი • RU

„გუმბათი ჯგუფი“ 24 წლისაა

საიდან დაიწყო ჩვენი ისტორია?

სამშენებლო და დეველოპერული სფერო საქართველოში პირველ ნაბიჯებს დგამდა, როდესაც გადავწყვიტეთ, რომ ჩვენც შეგვეტანა ამ მიმართულებების განვითარებაში საკუთარი წვლილი.

1998 წლიდან ჩაეყარა საფუძველი გუმბათი ჯგუფს და მას შემდეგ უკვე 24 წელია ვქმნით ღირებულებებს, რომლებიც საუკუნეებს გაუძლებს. ათასობით ადამიანმა შექმნა  საკუთარი ისტორია ჩვენს აშენებულ პროექტებში. ამიტომაც, განვაგრძობთ ზრდასა და განვითარებას, კვლავ გთავაზობთ უმაღლეს ხარისხს და ინოვაციურ მომსახურებას.

თანამედროვე აპარტამენტების მშენებლობის კვალდაკვალ არ გვავიწყდება ისტორიული და კულტურული ძეგლების მნიშვნელობაც. ამიტომ ვქმნით პროექტებს, რომლებიც ინარჩუნებს გარემოს ისტორიულ იერსახეს.

დღემდე ავაშენეთ 500 000 m2 -ზე მეტი საცხოვრებელი თუ კომერციული ფართი, ორი სრულად ოლიმპიური სტანდარტის სტადიონი და დავასრულეთ 15-ზე მეტი პროექტი. თუმცა ეს მხოლოდ დასაწყისია!

რა არის ჩვენი მიზანი?

ჩვენი მიზანია ცხოვრების უმაღლესი ხარისხის შესაბამისი ინფრასტრუქტურის შექმნა საქართველოს მასშტაბით და არამხოლოდ. ამისთვის კი ვიზიარებთ საერთაშორისო პრაქტიკას, ვფლობთ ISO სერთიფიკატს ხარისხის მენეჯმენტის მიმართულებით და ვართ საერთაშორისო უძრავი ქონების ფედერაციის (FIABCI) წევრი.

ეტაპობრივად ვითვისებთ მონათესავე სფეროებს და გვინდა შევქმნათ სივრცე, რომელშიც უძრავ ქონებასთან დაკავშირებული ყველა მომსახურების მიღება იქნება შესაძლებელი.

ამჟამად გუმბათი ჯგუფის ფარგლებში ფუნქციონირებს დიზაინისა და არტის სერვისები, რომლებიც საცხოვრებელი თუ კომერციული ფართების დიზაინის შექმნის  სამუშაოების პროფესიონალურად შესრულებას გთავაზობთ.

გარდა ამისა სასტუმროს ტიპის მომსახურებების სრული სპექტრის დანერგვაც დავიწყეთ ჩვენს რამდენიმე პროექტში და სამომავლოდ ამ მიმართულების განვითარებასაც ვგეგმავთ. ამგვარად მაქსიმალურად ვამარტივებთ შეძენილი უძრავი ქონებიდან შემოსავლის მიღების შესაძლებლობას თითოეული ჩვენი მომხმარებლისთვის და ვქმნით კომფორტს, როგორც სტუმრებისთვის, ასევე აპარტამენტების მფლობელებისთვის.

როგორია ჩვენი ხედვა?

ჩვენ გვჯერა რომ წარსულის გარეშე მომავალი არ არსებობს. ისტორიული საწყისების დაცვითა და ინოვაციების გათვალისწინებით კი შესაძლებელია მუდმივი მდგრადი განვითარება. ჩვენთვის ძირითადი პრინციპი ხარისხის უმაღლესი სტანდარტის მიწოდებაა ჩვენი მომხმარებლებისთვის. თითოეული პროექტის ფარგლებში ვითვალისწინებთ კლიმატურ პირობებს, გარემოს თავისებურებებსა და ყველა იმ დეტალს რომელიც საშუალებას გვაძლევს კონკრეტული ლოკაციისთვის იდეალურად მორგებული  პროდუქტი შევქმნათ.

გამოცდილებასთან ერთად ვიზრდებით, ვიხვეწებით და ამასთანავე ვინარჩუნებთ მოწინავე პოზიციებს სამშენებლო და დეველოპერულ მიმართულებებში ქვეყნის მასშტაბით. ჩვენთვის მნიშვნელოვანია ვიყოთ თქვენი გრძელვადიანი სანდო პარტნიორი. გაგვიცანით და გადადგით პირველი ნაბიჯები უძრავი ქონების სფეროში ჩვენთან ერთად. გუმბათი ჯგუფი დაგეხმარებათ გაიგოთ და მიიღოთ კიდევ უფრო მეტი.

 

ნეტგაზეთის მასალების სხვა გამოცემებში გადაბეჭდვის წესი
ავტორი