ქართულ საბჭოთა პროპაგანდისტულ პლაკატებს ხშირად ცნობილი მხატვრები ქმნიდნენ და ეს მათ საპატიო საქმედ მიიჩნეოდა. პლაკატების მოწოდებებსა და ლოზუნგებს საბჭოთა პერიოდში „საზოგადოებრივ-მეთოდური“ დანიშნულება ჰქონდა. საგაზაფხულო სამუშაოების დასაწყისში და შემოდგომაზე -მოსავლის აღებისას, აუცილებლად უნდა მიემართათ მუშებისა და გლეხებისთვის გამამხნევებელი, შრომის წამახალისებელი ტექსტებით.
აქ შეხვდებით მოწოდებას, რომ დაკლული ღორი აუცილებლად უნდა გაატყავოთ, რადგან ღორის ტყავი ძვირფასი ნედლეულია, პლაკატზევეა მოცემული ინსტრუქცია, რომ ტყავი სუფთა მარილით უნდა დაგემუშავებინათ ჩაბარებამდე, სანაცვლოდ კი ტყავსაქონლის ღირებულების 150% დაგიბრუნდებოდათ.
აქვეა ბარდის მემარცვლია ბრუხუსთან ბრძოლის მთელი სტრატეგია, რაც აუცილებლად გაგახსენეთ ფაროსანას.
ვნახოთ, როგორი იყო შრომასთან დაკავშირებული ქართული საბჭოთა პროპაგანდისტული პლაკატები.
„საკოლმეურნეო სოფლის მთელი ძალები დავრაზმოთ ამხანაგ სტალინისთვის მიცემული პირობის შესასრულებლად”
„მოვსპოთ ბარდის მემარცვლია ბრუხუსი”
„ვიბრძოლოთ უხვი მოსავლისათვის!”
„კოლმეურნეებო! გადაჭარბებით შევასრულოთ მეცხოველეობის განვითარების სამწლიანი გეგმა!”
„ღორის ტყავი ძვირფასი ნედლეულია, გაატყავეთ დაკლული ღორი!”
„უფრო ფართოდ გავაჩაღოთ სოციალისტური შეჯიბრება უხვი მოსავლისათვის!”
„შევასრულოთ დაწესებულ ვადაში სახელმწიფოსთვის პურის ჩაბარების გეგმა”
„230.000 ტონა ყურძნის მოსავალი რესპუბლიკას”
„20.000 ტონა თამბაქოს მოსავლისათვის!”
„ციტრუსების მაღალი მოსავლისათვის!”
„დროზე და მთლიანად დავამთავრებთ კომბაინებისა და მოსავლის ასაღები სხვა მანქანების რემონტს. მოსავალს ავიღებთ შემჭიდროებულ ვადებში და უდანაკარგოთ”
„მივცეთ ქვეყანას 20 000 ტონა ჩაი!”
„გვალვასაც დავძლევთ”
„ვიმარჯვებთ შრომაში!”
„უდანაკარგოდ ავიღოთ მოსავალი!”
„200.000 ტონა ჩაისთვის!”
წყარო: საქართველოს პარლამენტის ეროვნული ბიბლიოთეკა, ციფრული ბიბლიოთეკა „ივერიელი”