მთავარი,სიახლეები

ლაშა კომახიძის და ზურაბ პატარაძის კომენტარები ენმ-ის ბრალდებებზე

21.10.2017 • 2448
ლაშა კომახიძის და ზურაბ პატარაძის კომენტარები ენმ-ის ბრალდებებზე

ბათუმის მერობის კანდიდატმა „ქართული ოცნებიდან“, ლაშა კომახიძემ, თავის მხარდამჭერთა კლუბში ჟურნალისტების შეკითხვას უპასუხა „ერთიანი ნაციონალური მოძრაობის“ ბრალდებებზე:

„დღევანდელი დღე შეიძლება შეფასდეს, როგორც არჩევნების დღე, რომელმაც ჩაიარა საკმაოდ მშვიდ გარემოში. გარკვეული ტიპის ვნებათაღელვა, რა თქმა უნდა, ყოველი არჩევნებისათვის არის დამახასიათებელი, მაგრამ საერთო ჯამში არის ძალიან მშვიდი, ძალიან პოზიტიური არჩევნები. ოპოზიციის მხრიდან მსგავსი ტიპის შეფასება, ვფიქრობ არის გარკვეულწილად საკუთარი მოსალოდნელი მარცხის გამართლება, რადგან პირადად ჩემთვის ბრალდება, რომ სუსმა ჩაატარა არჩევნები, არის აბსურდული,“ – განაცხადა ლაშა კომახიძემ.

ლაშა კომახიძის მხარდამჭერთა კლუბში ასევე იმყოფება აჭარის მთავრობის თავმჯდომარე, ზურაბ პატარაძე, რომელმაც აღნიშნა, რომ ტექნიკური პრობლემები იყო, თუმცა, საერთო ჯამში, არჩევნები მშიდ ვითარებაში ჩატარდა.

„სამწუხაროდ თუ საბედნიეროდ, ვერ დავეთანხმები ოპოზიციას. ბათუმში, აჭარის ავტონომიურ რესპუბლიკაში, ჩვენს რეგიონში და ზოგადად ქვეყანაში, არჩევნები ჩატარდა მშვიდ ვითარებაში, ყველანაირი ექსცესების გარეშე. ცალკეული ტექნიკური პრობლემები ნამდვილად იყო, მაგრამ ეს არ სცდება ზღვარს. ყველა ამ დარღვევაზე იქნება ადეკვატური რეაგირება კომპეტენტური ორგანოების მხრიდან. მე ვერ ვხედავ სერიოზულ პრობლემებს. თქვენ ხედავთ, რომ მთელ ქვეყანაში, მათ შორის ბათუმში და აჭარის მთელ ავტონომიურ რესპუბლიკაში მშვიდად ჩატარდა არჩევნები,“ – განაცხადა ზურაბ პატარაძემ.

 

 

გადაბეჭდვის წესი


ასევე: