„პატრიოტთა ალიანსის“ პარტიული სიის რიგით მე-9, მე-16, მე-17 და მე-18 კანდიდატებმა შუახევში საკუთარი კანდიდატურა მოხსნეს. „პატრიოტთა ალიანსის“ პარტიული სიის მეცხრე ადგილზე ლეილა გოგიაშვილი, მე-16 – ზე დავით დავითაძე, მე -17 – ზაზა ქათამაძე, ხოლო პარტიული სიის მე-18 წევრი ჯემალ ქარცივაძე იყო.
შუახევის საარჩევნო ოლქის მდივნის, გიორგი მაკარაძის ინფორმაციით, „პატრიოტთა ალიანსის“ პარტიული სიის კანდიდატების გარდა საკუთარი კანდიდატურა მოხსნა კახა კუკავას პარტიის წევრმა, შაქრო ნაკაშიძემ. როგორც პარტიული სიიდან, ასევე მაჟორიტარობიდან. შაქრო ნაკაშიძე მაჟორიტარ კანდიდატად ჭვანის მაჟორიტარულ ოლქში იყო დარეგისტრირებული, რაც შეეხება პარტიულ სიას, მას მე- 16 ადგილი ეკავა.
ნინო ბურჯანაძის პარტიული სიის მე-20 ნომრის, რამაზ კონცელიძის კანდიდატურა კი, ოლქის გადაწყვეტილებით ბათილად იქნა ცნობილი. შუახევის საარჩევნო ოლქში განმარტავენ, რომ რამაზ კონცელიძე 21 წლის არ არის და მას არჩევნებში მონაწილეობა, როგორც კანდიდატს, არ შეუძლია.
