Batumelebi | უფასო სამედიცინო გამოკვლევები ბათუმში 14 წლამდე ბავშვებისათვის უფასო სამედიცინო გამოკვლევები ბათუმში 14 წლამდე ბავშვებისათვის – Batumelebi

უფასო სამედიცინო გამოკვლევები ბათუმში 14 წლამდე ბავშვებისათვის

 

 18 მარტს ქ. ბათუმის N1 პოლიკლინიკაში, 10:00-დან 18:00 საათამდე, გერმანიიდან მოწვეული სპეციალისტები 0-დან 14- წლამდე ასაკის ბავშვებს ჩაუტარებენ უფასო სამედიცინო კონსულტაციებს. 

 

კონსულტაციას გაუწევენ იმ მოზარდებს, რომლებსაც აწუხებთ შემდეგი დაავადებები:  მწვავე ოსტეომელიტი, ძვლის კისტა, ძვლის კეთილთვისებიანი სიმსივნეები, თავის ტვინის კისტა (საღი გონებით), კიდურების ანომალია, ჰემანგიომა, ჰირშპრუნგის დაავადება, ორგანოების ატრეზიები- ოპერაციული ჩარევის შემდგომი გართულებები (სტომები), ჰიპოსპადია, ეპისპადია, დამწვრობები და მასთან დაკავშირებული გართულებები, სახის ღია ნაპრალი.

 

 აქცია საქველმოქმედო ორგანიზაცია „ჯანმრთელი ბავშვების“ და ბავშვთა საერთაშორისო საქველმოქმედო ორგანიზაცია „FRIEDENSDORF INTERNATIONAL“-ის (გერმანია) ინიციატივით იმართება, რომლის მიზანია სხვადასხვა დაავადების მქონე ბავშვების მოძიება, აღრიცხვა და გერმანიაში უფასო მკურნალობისათვის გაგზავნა. მშობელმა თან უნდა იქონიოს პაციენტის დაბადების მოწმობის ასლი, ფორმა N100, არსებობის შემთხვევაში რენტგენოლოგიური და ტომოგრაფიული კვლევა, ფოტოსურათი და ცნობა ფაქტობრივი მისამართის შესახებ.  

ნეტგაზეთის მასალების სხვა გამოცემებში გადაბეჭდვის წესი
"ბათუმელები"