Batumelebi | ნაციონალური მოძრაობის წევრი ქობულეთის გამგეობას უმოქმედობაში ადანაშაულებს ნაციონალური მოძრაობის წევრი ქობულეთის გამგეობას უმოქმედობაში ადანაშაულებს – Batumelebi

ნაციონალური მოძრაობის წევრი ქობულეთის გამგეობას უმოქმედობაში ადანაშაულებს

 

„ერთიანი ნაციონალური მოძრაობის“  წევრი რევაზ ხარაზი ქობულეთის მუნიციპალიტეტს უმოქმედობაში ადანაშაულებს. მისი მტკიცებით, ქობულეთში თამარ მეფის გამზირზე ნაპირგამაგრებითი სამუშაოებისთვის ბიუჯეტში თანხა გამოყოფილი არ არის. 

 

რევაზ ხარაზი ამბობს, რომ აღნიშნული გარემოება ტურისტული სეზონის ჩავარდნისა და ასწლოვან ხეების განადგურების საფრთხეს ქმნის.  მისი თქმით, 2014 წელს ქობულეთში, თამარ მეგის გამზირზე სანაპირო  შტორმა მიიტაცა, ხელისუფლებამ კი მოშლილი ჯებირი არ გააკეთა. 


რევაზ ხარაზი ამბობს, რომ ის თანხა, რაც წინა წლებში გამოყო ხელისუფლებამ სანაპირო ზოლის გასამაგრებლად, არასაკმარისია. 


“ბათუმელები” ქობულეთის მუნიციპალიტეტის პრესსამსახურს უკვე დაუკავშირდა. მუნიციპალიტეტიდან კომენტარის მიღების შემდეგ “ბათუმელები” გამგეობის პოზიციასაც გაგაცნობთ.  

ნეტგაზეთის მასალების სხვა გამოცემებში გადაბეჭდვის წესი
"ბათუმელები"