Batumelebi | ქობულეთში ერთი მოქალაქე და რწმუნებულები პასუხისგებაში მისცეს ქობულეთში ერთი მოქალაქე და რწმუნებულები პასუხისგებაში მისცეს – Batumelebi
RU | GE  

ქობულეთში ერთი მოქალაქე და რწმუნებულები პასუხისგებაში მისცეს

 

საგამოძიებო სამსახურმა სახელმწიფოს კუთვნილი, დიდი ოდენობით თანხის დაუფლების, სამსახურებრივი სიყალბის და ყალბი დოკუმენტების დამზადება – გამოყენების ფაქტზე ქობულეთის მუნიციპალიტეტის სოფელ კვირიკეს თემის ყოფილი და მოქმედი რწმუნებულები, ასევე ერთი მოქალაქე სისხლის სამართლის პასუხისგებაში მისცა. 

 

ქობულეთის შემოვლითი გზა

 

უწყების მიერ გავრცელებულ ინფორმაციაში წერია: “დადგენილია, რომ ერთ-ერთმა ბრალდებულმა განიზრახა აჭარის შემოვლითი გზის მშენებლობის არეალში მოხვედრილი მიწის ნაკვეთის სანაცვლოდ მოსახლეობისათვის საკომპენსაციოდ გამოყოფილი თანხის მოტყუებით დაუფლება, ქობულეთის მუნიციპალიტეტის სოფელ კვირიკეს თემის ყოფილი და მოქმედი რწმუნებულების დახმარებით დაამზადა მიწის ფლობის ყალბი ოფიციალური დოკუმენტები, რის საფუძველზეც საავტომობილო გზების დეპარტამენტისგან მოტყუებით მიიღო დიდი ოდენობით თანხა. “

გამოძიება მიმდინარეობს საქართველოს სისხლის სამართლის კოდექსის 180-ე, 341-ე 342-ე და 362-ე მუხლებით, რაც 6-დან 9 წლამდე პატიმრობას ითვალისწინებს.

ნეტგაზეთის მასალების სხვა გამოცემებში გადაბეჭდვის წესი
" ბათუმელები"