Batumelebi | სარფის სასაზღვრო პუნქტში ბრიუსელის ინტერპოლის მიერ ძებნილი პირი დააკავეს სარფის სასაზღვრო პუნქტში ბრიუსელის ინტერპოლის მიერ ძებნილი პირი დააკავეს – Batumelebi
RU | GE  

სარფის სასაზღვრო პუნქტში ბრიუსელის ინტერპოლის მიერ ძებნილი პირი დააკავეს

 

თბილისის ინტერპოლისა და აჭარის საპატრულო პოლიციის სარფის სასაზღვრო საკონტროლო გამშვები პუნქტის თანამშრომლებმა, თურქეთის რესპუბლიკიდან საქართველოში შემოსვლისას, ბრიუსელის ინტერპოლის მიერ 2014 წლის 4 დეკემბრიდან საერთაშორისო დონეზე ძებნილი, ნიდერლანდების და თურქეთის რესპუბლიკის მოქალაქე, 1975 წელს დაბადებული ჰალილ იალდიზკაია დააკავეს.

 

ჰალალ იალდიზკაიას ბრალად ედება ბელგიის სისხლის სამართლის კოდექსის 193-ე, 196-ე, 197-ე, 198-ე, 213-ე, 214-ე, 324-ე; 05.11.2002 წლის სამეფო ბრძანების მე-4, მე-8 და 9-ე, 27.06.1969 წლის კანონის 21-ე და 22-ე; 28.11.1969 წლის სამეფო ბრძანების პირველი ნაწილის მე-2 თავის 33-ე; 25.11.1991 წლის სამეფო ბრძანების 175 1ო ე); ბელგიის სოციალური სისხლის სამართლის კოდექსის 101-ე, 102-ე, 103-ე, 221-ე მუხლის 1 1ო ნაწილი, 232-ე მუხლის 1, 1ო ნაწილი, 233-ე მუხლის პირველი თავის 3ო მუხლით 235-ე და 236-ე მუხლის მეორე ნაწილი, მუხლებით გათვალისწინებული დანაშაული, რაც გაყალბებას, თაღლითობას და კრიმინალური ასოციაციის წევრობას ითვალისწინებს.

კერძოდ, 2001-2008 წლებში, მაშინ როცა ჰალილ იალდიზკაია ბელგიაში, რამდენიმე კომპანიის მენეჯერი და დირექტორი იყო, მან მთავრობას 241 დასაქმებული პიროვნების შესახებ ყალბი დეკლარაცია წარუდგინა.


ამჟამად ჰალილ იალდიზკაია დაკავებულია და გადაყვანილია აჭარა-გურიის დროებით მოთავსების იზოლატორში.


მის მიმართ კანონით გათვალისწინებული წინასაექსტრადიციო პროცედურები მიმდინარეობს.



 

ნეტგაზეთის მასალების სხვა გამოცემებში გადაბეჭდვის წესი
" ბათუმელები"