Batumelebi | ოჯახში მოძალადეთა და მსხვერპლთა რიცხვი გაზრდილია ოჯახში მოძალადეთა და მსხვერპლთა რიცხვი გაზრდილია – Batumelebi

ოჯახში მოძალადეთა და მსხვერპლთა რიცხვი გაზრდილია

 

 2014 წელს ოჯახში მოძალადეთა რიცხვმა 750 შეადგინა, ხოლო ოჯახში ძალადობის მსხვერპლი 829 ადამიანი აღმოჩნდა. 2013 წელთან შედარებით მოძალადეთა რიცხვი 525-ით, ხოლო მსხვერპლთა რიცხვი 589-ით გაიზარდა. 

 

ოჯახში ძალადობის მსხვერპლთა და მოძალადეთა რაოდენობის შესახებ, საქართველოს შინაგან საქმეთა სამინისტროს მონაცემებზე დაყრდნობით ინფორმაციას საქართველოს სტატისტიკის ეროვნული სამსახური ავრცელებს. სამსახურის ინფორმაციით, სტატისტიკა ოჯახში ძალადობის შესახებ მოიცავს მხოლოდ პირთა რაოდენობას.


აჭარის რეგიონში გასულ წელს 19 მოძალადე და 19 ოჯახში ძალადობის მსხვერპლი დაფიქსირდა (1013 წელს მოძალადეებისა და მსხვერპლის რიცხვი იყო 9). აღსანიშნავია, რომ 2014 წელს მოძალადე იყო 2 ქალი და 17 კაცი, ხოლო ოჯახში ძალადობის მსხვერპლი 17 ქალი და 2 კაცი.


მთელი ქვეყნის მასშტაბით კი, გასულ წელს, მოძალადე ქალი იყო 60, ხოლო მოძალადე მამაკაცი 690. რაც შეეხება ოჯახში ძალადობის მსხვერპლთა რაოდენობას, მათგან 742 –  ქალი, ხოლო 87 კაცი იყო.

 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"