დღეს, აჭარის ჯანდაცვის მინისტრი ნუგზარ სურმანიძე და რესპუბლიკური საავადმყოფოს დირექტორი მალხაზ ხალვაში იაპონიის საერთაშორისო თანამშრომლობის სისტემის წარმომადგენლებს შეხვდნენ.
აჭარის ჯანდაცვის სამინისტროს ინფორმაციით, იაპონიის საერთაშორისო თანამშრომლობის სისტემა ბათუმის რესპუბლიკურ კლინიკურ საავადმყოფოს მაღალტექნოლოგიურ სამედიცინო აპარატურას – კომპიუტერული ტომოგრაფიის, რენტგენისა და ექოსკოპიის აპარატებს შეუძენს.
დღევანდელ შეხვედრაზე მხარეებმა სამომავლო თანამშრომლობის გზები და აპარატური მოწოდების ვადები განიხილეს. ჯანდაცვის სამინისტროს ინფორმაციით აპარატურას რესპუბლიკური საავადმყოფო ერთი წლის განმავლობაში მიიღებს.
