სტამბოლის, ბერლინისა და ვაშინგტონის შემდეგ „BAU“ რიგით მეოთხე უნივერსიტეტს ბათუმში 2015 წლის სექტემბერში გახსნის. პირველ სასწავლო წელს უმაღლესი საგანმანათლებლო დაწესებულება სამედიცინო სპეციალობის 50 სტუდენტს მიიღებს. ამჟამად მიმდინარეობს სასწავლებლის ავტორიზაცია-აკრედიტაციის პროცესი.
უნივერსიტეტში სწავლა ინგლისურ ენაზე წარიმართება, ლექციებს ქართველი და უცხოელი სპეციალისტები წაიკითხავენ. სამომავლოდ სასწავლებელი სტუდენტთა მიღებას სხვა სპეციალობებზეც გეგმავს.
