Batumelebi | ბათუმში, ინასარიძის ქუჩაზე ქალი დაჭრეს ბათუმში, ინასარიძის ქუჩაზე ქალი დაჭრეს – Batumelebi
RU | GE  

ბათუმში, ინასარიძის ქუჩაზე ქალი დაჭრეს

 

დღეს, 22 იანვარს, დაახლოებით 22 საათზე ბათუმში ქალი დაჭრეს. შემთხვევა ინასარიძის ქუჩაზე, საცხოვრებელ კორპუსთან ახლოს მოხდა. “ბათუმელების” ინფორმაციით სუპერმარკეტიდან გამოსულ 50 წლის ქალს უცნობი პირი დაესხა თავს და ხელებზე დანით მიაყენა ორი ჭრილობა. დაჭრილი ბათუმის რეფერალურ საავადმყოფოშია გადაყვანილი. სპეციალისტების თქმით, მისი მდგომარეობა სტაბილურია. 

 

შემთხვევის ადგილი
შემთხვევის ადგილი

“გავიგეთ კივილის ხმა და გადავიხედეთ აივნიდან. დავინახეთ როგორ მოვიდა სასწრაფო დახმარების მანქანა და ქალი გადაიყვანეს, ადგილზე კი პოლიციელები იყვნენ” – უთხრა “ბათუმელებს” ინასარიძის ქუჩის ერთ-ერთმა მცხოვრებმა.  

 

 დამნაშავე შემთხვევის ადგილიდან მიიმალა. შს სამინისტროს ინფორმაციით გამოძიება სისხლის სამართლის კოდექსის 179 მუხლით [ყაჩაღობა] მიმდინარეობს.  

 

 

 

 

 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"