ამ წუთებში საქართველოს პრემიერ-მინისტრმა გიორგი კვირიკაშვილმა ბათუმში „ქართული ოცნების“ მერობის კანდიდატები წარადგინა.
პრემიერმა კანდიდატების წარდგენამდე აჭარაში ტურისტული პოტენციალის ზრდაზე, დაგეგმილ ინვესტიციებზე, ბათუმი-სარფის გზის მშენებლობაზე და მაღალმთიან აჭარაში, ხულო-ზარზმის მიმართულებით დაგეგმილ 45-კილომეტრიანი გზის მშენებლობაზე ისაუბრა.
“იგეგმება მაღალმთიანი აჭარის გაზიფიცირება. ხელვაჩაურის მუნიციპალიტეტიდან შუახევის მუნიციპალიტეტამდე უკვე შეძენილია გაზიფიცირების პროექტი და მაღალმთიან აჭარაში გაზის პრობლემა აღარ იქნება. მჯერა, რომ 21 ოქტომბრის დაგეგმილი ადგილობრივ თვითმმართველობის არჩევნებში თქვენი დიდი მხარდაჭერით “ქართული ოცნება” კვლავ მოიპოვებს იმ გამარჯვებას, რომელიც საშუალებას მოგვცემს თქვენთან ერთად გავაგრძელოთ ეს სასიცოცხლოდ მნიშვნელოვანი პროექტები,” – განაცხადა გიორგი კვირიკაშვილმა.
პრემიერის განცხადებით ბათუმის მერობის კანდიდატი ლაშა კომახიძე იქნება, ქედის მერობის კანდიდატი – ლევან გორგილაძე, ქობულეთის – მირიან ქათამაძე, შუახევის – ფრიდონ ფუტკარაძე, ხელვაჩაურის – ჯუმბერ ვარდმანიძე, ხულოს მერობის კანდიდატი კი – გოჩა მელაძე.
დღეს ბათუმის საზაფხულო თეატრის წინ შეკრებილი საზოგადოების წინაშე თავად კანდიდატები არ გამოსულან. შესაბამისად, მერობის კანდიდატების საარჩევნო პროგრამაზე არც არაფერი თქმულა.
ამავე თემაზე: ბათუმში „ქართული ოცნების“ კანდიდატებს პრემიერი წარადგენს
პრემიერი წარადგენს კანდიდატებს ფოტო: ცაგო კახაბერიძე/ბათუმელები 12/09/2017
კანდიდატების წარდგენამდე ბათუმის საზაფხულო თეატრის წინ კონცერტი გაიმართა. კონცერტს “ქართული ოცნების” პარტიული აქტივი, აჭარის უმაღლესი საბჭოს წევრები და მინისტრები ესწრებოდნენ.
ფოტო: ცაგო კახაბერიძე/ბათუმელები
12/09/2017
ფოტო: ცაგო კახაბერიძე/ბათუმელები 12/09/2017
ფოტო: ცაგო კახაბერიძე/ბათუმელები 12/09/2017
“ქართული ოცნების” მხარდამჭერი კონცერტი
ფოტო: ცაგო კახაბერიძე/ბათუმელები 12/09/2017
ქართული ოცნების მხარდამჭერები
ფოტო: ცაგო კახაბერიძე/ბათუმელები 12/09/2017
“ქართული ოცნების” მხარდამჭერები
ფოტო: ცაგო კახაბერიძე/ბათუმელები 12/09/2017
