ნეტგაზეთი • RU

მხარეთმცოდნეობისა და არქეოლოგიური მუზეუმების დირექტორებმა თანამდებობები დატოვეს

 

ბათუმში მხარეთმცოდნეობისა და არქეოლოგიური მუზეუმების დირექტორებმა, გოდერძი ტოტოჩავამ და ამირან კახიძემ თანამდებობა დატოვეს. აჭარის განათლების, კულტურისა და სპორტის მინისტრის მოადგილე ლადო მგალობლიშვილი “ბათუმელებთან” ამბობს, რომ ახალ დირექტორებს მთავრობა, სავარაუდოდ, თებერვალში დაამტკიცებს.   

 

ორივე მათგანმა თანამდებობა საკუთარი განცხადების საფუძველზე დატოვა. არქეოლოგიურ მუზეუმში დირექტორის მოვალეობას დროებით არქეოლოგი მერაბ ხალვაში, მხარეთმცოდნეობის მუზეუმში კი ისტორიკოსი ოთარ გოგოლიშვილი ასრულებს.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"