Batumelebi | პოლიციელის მკვლელობაში ბრალდებულის სასამართლოდან პოლიციელის მკვლელობაში ბრალდებულის სასამართლოდან – Batumelebi
RU | GE  

პოლიციელის მკვლელობაში ბრალდებულის სასამართლოდან

 

ბათუმის საქალაქო სასამართლო ამ წუთებში პოლიციელის მკვლელობაში ბრალდებულის აღკვეთი ღონისძიების შეფარდების საკითხს განიხილავს.

ბათუმის საქალაქო სასამართლო

პოლიციელის მკვლელობაში ბრალდებულმა რ.დ-მ ითხოვა 200 ათასი ლარის გირაოს საფუძველზე პატიმრობიდან გათავისუფლება, ხოლო მასთან ერთად დაკავებული  ბ.მ [რომელიც ხულიგნობის ბრალდებითაა დაკავებული] ამბობს, რომ  გირაოს სახით გადაიხდის 5 ათას ლარს [მან თქვა, რომ ამ თანხის გადახდას ქონებით უზრუნველყოფს].

პოლიციის მკვლელობაში ბრალდებული თავს ნაწილობრივ დამნაშავედ მიიჩნევს. ბრალდებულის ადვოკატმა პაატა შავაძემ სასამართლო პროცესზე თქვა, რომ ეს იყო არა განზრახ  მკვლელობა, არამედ გაუფრთხილებლობით ჩადენილი დანაშაული: “რაც დასტურდება სათვალთვალო კამერებით”.

მისივე თქმით, გარდაცვლილს თან  ჰქონდა იარაღი.

საქმეს ბათუმის საქალაქო სასამართლოს მოსამართლე დავით მამისეიშვილი განიხილავს, სახელმწიფო ბრალმდებელი კი პროკურორი რამაზ შავაძეა, რომელმაც სასამართლო პროცესზე განაცხადა, რომ კლუბში ჩხუბი ქალების გამო დაიწყო. პროკურორის განცხადებით,  ერთ-ერთი ბრალდებული ქალებს მასთან სქესობრივი კავშირის დამყარებას აიძულებდა, გარდაცვლილი კი სწორედ ამ ქალებს გამოესარჩლა, რაც ხელჩართულ ჩხუბში გადაიზარდა და ერთი ადამიანის მკვლელობით დასრულდა.

იმ შემთხვევაში, თუ რ.დ-ს ბრალი დაუმტკიცდა, მას 7-დან 15 წლამდე პატიმრობა ემუქრება. ხულიგნობაში ბრალდებულს კი 2-დან ხუთ წლამდე პატიმრობა.

ბრალდებულების ინტერესებს ადვოკატები: ირაკლი გაბრიჩიძე, პაატა შავაძე, ბეჟან მამულაძე და არმაზ ქამადაძე იცავენ.

ნეტგაზეთის მასალების სხვა გამოცემებში გადაბეჭდვის წესი
" ბათუმელები"