Batumelebi | შსს-ს საპატრულო პოლიციის დეპარტამენტის აჭარის მთავარი სამმართველო საქველმოქმედო აქციას შეუერთდა შსს-ს საპატრულო პოლიციის დეპარტამენტის აჭარის მთავარი სამმართველო საქველმოქმედო აქციას შეუერთდა – Batumelebi
RU | GE  

შსს-ს საპატრულო პოლიციის დეპარტამენტის აჭარის მთავარი სამმართველო საქველმოქმედო აქციას შეუერთდა

 

შინაგან საქმეთა მინისტრ ალექსანდრე ჭიკაიძის ინიციატივით დაწყებულ საქველმოქმედო აქციას შსს-ს საპატრულო პოლიციის დეპარტამენტის აჭარის მთავარი სამმართველო შეუერთდა. საპატრულო პოლიციის დეპარტამენტის აჭარის მთავარი სამმართველოს უფროსი თეიმურაზ კუპატაძე, თავის თანამშრომლებთან ერთად, აჭარის რეგიონში მცხოვრებ შეჭირვებულ ოჯახებს, ასევე, ბავშვთა და მოხუცებულთა თავშესაფრებს წინასაახალწლოდ ესტუმრა.

 

საპატრულო პოლიციის წარმომადგენლებმა ბათუმში მცხოვრებ მარტოხელა დედას – მაია ბოლქვაძეს, ქობულეთის რაიონის სოფელ ბუკნარში მცხოვრებ, სამი მცირეწლოვანი შვილის დედას – ზეინაბ მიქელაძესა და ქობულეთის რაიონის სოფელ ბუკნარში ხუთი შვილის მამას – ზვიად ქათამაძეს პლაზმური ტელევიზორი, პერსონალური კომპიუტერი, სარეცხი მანქანა, მტვერსასრუტი, სხვა საყოფაცხოვრებო ტექნიკა, პროდუქტები და ტკბილეული გადასცეს. სამართალდამცველები ბათუმში, მცირე საოჯახო ტიპის სახლში მცხოვრებ ნაირა ცინცაძესაც ესტუმრნენ, რომელიც ექვსი მზუნველობამოკლებული ბავშვის აღმზრდელი და დედობილია. საპატრულო პოლიციის თანამშრომლებმა მათ პლაზმური ტელევიზორი, პროდუქტები და საახალწლო ნობათი გადასცეს.

 

აჭარის საპატრულო პოლიციის თანამშრომლებმა ხელვაჩაურის რაიონის სოფელ ფერიაში, ბავშთა სახლში მცხოვრები ბავშვები  პლაზმური ტელევიზორითა და საახალწლო ნობათით გაახარეს. ბათუმში, მოხუცთა თავშესაფრის ბენეფიციარებს კი პირადი მოხმარების ნივთები, ტანსაცმელი და ტკბილეული გადასცეს.

შსს-ს საპატრულო პოლიციის დეპარტამენტი აცხდებს, რომ  ქვეყნის მასშტაბით, სამომავლოდაც გააგრძელებს საქველმოქმედო აქციაში მონაწილეობას და სიღარიბის ზღვარს მიღმა მყოფი, ასევე, მრავალშვილიანი ოჯახების დახმარებას.

ნეტგაზეთის მასალების სხვა გამოცემებში გადაბეჭდვის წესი
" ბათუმელები"