საქართველოს ახალგაზრდა იურისტთა ასოციაციის (საიას) აჭარის ორგანიზაციის თავმჯდომარის არჩევა ერთი კვირით გადაიდო. როგორც “ბათუმელებს” საიას აჭარის ორგანიზაციის ყოფილმა თავმჯდომარემ, გია ქარცივაძემ განუცხადა ახალი თავმჯდომარის არჩევა დღის წესრიგით გათვალისწინებული იყო, თუმცა ვერ მოესწრო.
გუშინ თბილისში გამართულ გამგეობის სხდომაზე საქართველოს ახალგაზრდა იურისტთა ასოციაციის თავმჯდომარედ ორგანიზაციის იურისტი, ანა ნაცვლიშვილი აირჩიეს, ხოლო მის მოადგილედ – ნათია კაციტაძე.
