Batumelebi | ჩანაწერები ციხიდან – ყოფილი პატიმარი კონკურსის გამარჯვებული გახდა ჩანაწერები ციხიდან – ყოფილი პატიმარი კონკურსის გამარჯვებული გახდა – Batumelebi
RU | GE  

ჩანაწერები ციხიდან – ყოფილი პატიმარი კონკურსის გამარჯვებული გახდა

 

“ნაბიჯი თავისუფლებისკენ – პატიმართა და ყოფილ პატიმართა მდგომარეობა საქართველოში” – ასე ეწოდება წამების მსხვერპლთა ფსიქო-სოციალური და სამედიცინო რეაბილიტაციის ცენტრის (GCRT) და თბილისის ადამიანის უფლებათა სახლის (HRHT)  მიერ გამოცხადებულ  კონკურსს ჟურნალისტებისა და ბლოგერებისათვის, რომლის გამარჯვებულებიც დღეს გამოვლინდნენ. გამარჯვებულებს შორისაა ყოფილი პატიმარი მანუჩარ მეგრელიშვილი, მისი ბლოგპოსტები გაზეთ „ბათუმელებსა“ და netgazeti.ge-ზე გამოქვეყნდა. 

 

კონკურსში გამარჯვებულების დაჯილდოვება დღეს, 23 დეკემბერს შედგა თბილისში. კონკურსში 30 ჟურნალისტი და ბლოგერი მონაწილეობდა.


„რადიო სიუჟეტის ნომინაციაში გაიმარჯვა “რადიო თავისუფლების” ჟურნალისტმა ნინო თარხნიშვილმა, “საუკეთესო ჟურნალისტური მოკვლევის” ნომინაციაში გამარჯვებული გახდა ქეთი ღვედაშვილი, ჟურნალ “ლიბერალის” ჟურნალისტი. “საუკეთესო სტატიის” ავტორი გახდა ლანა ირემაშვილი, ambebi.ge-ის ჟურნალისტი. “საუკეთესო ბლოგპოსტის” ნომინაციაში გამარჯვებულები გახდნენ თაკო კურატაშვილი და მანუჩარ მეგრელიშვილი. კონკურსანტებს გადაეცათ ფულადი პრიზი, 500 ლარის ოდენობით, დანარჩენ კონკურსანტებს კი სიმბოლურად სასაჩუქრე პაკეტი” – ამბობს ნინო ღვედაშვილი, კონკურსის კოორდინატორი. 


“პრობაციონერთა, მსჯავრდებულთა და ყოფილ მსჯავრდებულთა მდგომარეობის შესახებ საზოგადოება უფრო მეტად უნდა იყოს ინფორმირებული, ჩვენ გვინდა, რომ მედიის როლი გაძლიერდეს,  მაღალი ეთიკური და ჟურნალისტური სტანდარტების დამკვიდრება მნიშვნელოვანია,” – ამბობს ნინო ღვედაშვილი.

 

“ჩანაწერები ციხიდან” – ამ სახელწოდებით გამოქვეყნდა გაზეთ „ბათუმელებში“ მანუჩარ მეგრელიშვილის ჩანაწერები, რომელიც ციხეში მყოფი ადამიანების ცხოვრებას ასახავს. მანუჩარისათვის ეს მეორე მოგებული კონკურსია, 2013 წელს მანუჩარ მეგრელიშვილი გახდა პროზაული კონკურსის – „ასი სიტყვა“ – გამარჯვებული თხზულებისთვის – „წერილი ციხიდან.

ნეტგაზეთის მასალების სხვა გამოცემებში გადაბეჭდვის წესი
ქეთი ლაბაძე